Նիկոլ Փաշինյանի կարևոր կոչը (տեսանյութ)
Դառնությամբ եմ ասում, որ այսօրվա դրությամբ հանրապետությունում կորոնավիրուսով հիվանդ շուրջ 200 քաղաքացի կա, ով սպասում է հոսպիտալացման իր հերթին: Այս մասին պարետատան նիստից հետո կայացած ճեպազրույցի ժամանակ ասաց ՀՀ վարչապետ Նիկոլ Փաշինյանը:
«Ես ուզում եմ անկեղծ ասել, որ այսօր պարետատան նիստին մենք ընդհուպ մոտեցանք քննարկումներով եզրին՝ որոշում կայացնելու հայտարարել տոտալ անվերապահ արգելափակում կամ «լոք դաուն»:
Բայց քննարկումների արդյունքում տեսանք, որ այդ որոշումը չի բերելու ցանկալի արդյունքների։ Եվ դա ցանկալի որոշում չէ։ Մենք արդեն իսկ հասել ենք կրիտիկական վիճակի ու քայլում ենք դժոխքի միջով։
Սրա լուծումը գոնե միջնաժամկետ կարող է լինել միայն մի բան, երբ իսկապես համընդհանուր ու տոտալ հակահամաճարակային շարժում սկսվի ՀՀ-ում»,-ասաց նա։
