«Չեմ ընկճվում. ամեն ինչ առջեւում է». Մոնիկա Գրիգորյան

Մոնիկա Գրիգորյանը ֆոտոշարքերի մեծ սիրահար է, ցանկացած գեղեցիկ երեւույթ կարող է լուսանկարվելու առիթ հանդիսանալ նրա համար, հանպատրաստից կադրերն էլ ավելի յուրահատուկ է համարում: Մոնիկային կհիշեք «Միսս աշխարհ Արմենիա 2019» մրցույթից, որում արժանացավ «Առաջին վիցցե միսս» տիտղոսին:

Նա BRAVO.am-ի հետ զրույցում նշել է, որ նոր ֆոտոշարքի գաղափարն իրենն է.«Այն ծնվեց մի հոգեվիճակից, որը կապված էր կորոնավիրուսի եւ մեկուսացման հետ: Երկար գտնվելով տանը՝ բնության կարիք էի զգում: Լոռու մարզի Ամրակից գյուղում եմ լուսանկարվել: Նախկինում գյուղը տեսել էի լուսանկարներով եւ շատ էի տպավորվել: Մտովի պատկերացնում էի իմ լուսանկարներն այդ վայրերում: Կերպարները թեթեւ ու եթերային ստացվեցին»:

8
Մոնիկա Գրիգորյանը

Մոնիկան նկարահանումներին երկար չի նախապատրաստվում, ասում է՝ միշտ ուրախ եւ թեթեւ մթնոլորտում է աշխատում: Շեշտել է՝ երբեք չի նկարահանվի վուլգար եւ բաց տեսարաններում:

Համավարակի ճգնաժամով պայմանավորված` բազմաթիվ ծրագրեր չեղարկվել են. «Տեսահոլովակներում նկարահանվելու առաջարկներ ունեի, որոնք չկայացան: Հետաձգվեց Վիետնամում կայանալիք «Միսս հմայք 2020» մրցույթը, որում ներկայացնելու էի Հայաստանը: Բայց չեմ ընկճվում. ամեն ինչ առջեւում է: Աշխատում եմ ինձ վրա, զբաղվում եմ սպորտով, սնվում առողջ եւ կարդում եմ շատ»:

8
Մոնիկա Գրիգորյանը

Մեծ է ցանկությունը մասնակցել «Միսս Արմենիա 2020» գեղեցկության մրցույթին, մեկ այլ նախագծում ներգրավվելու հեռանկար էլ կա.««Միսս Արմենիա» հիմնադրամի նախագահ Գոհար Հարությունյանը շատ հետաքրքիր նախագիծ է պատրաստել, սակայն իրավասու չեմ բացել փակագծերը»: