Հորոսկոպի բոլոր նշանների գաղտնի երազանքները

Խոյ
Խոյերի երազանքները հիմնականում կապված են կարիերայի և հաջողության հասնելու հետ: Սակայն մի կարծեք, թե ցանկալիին հասնելուց հետո Խոյը կանգ կառնի: Նա կշարունակի նորանոր նպատակներ դնել իր առջև և նվաճել ողջ աշխարհը:

Խեցգետին
Խեցգետինները տնային մարդիկ են: Նրանց երազանքները չեն ձգվում դեպի անհաս բարձունքներ, բավականին պարզ են և իրագործելի: Նրանց համար կարևոր է ամուր ընտանիք ունենալ, լինել կուշտ և մտերիմների ջերմությամբ շրջապատված:

Առյուծ
Առյուծի երազանքները հիմնականում պտտվում են փառքի, հարստության և ազդեցիկության շուրջ: Առյուծը երազում է լավագույնը լինել ամեն ինչում: Եթե Առյուծը երազում է տուն կառուցել, ապա դա պետք է լինի ամենաշքեղ տունը, եթե երազում է ընտանիք կազմել, ապա դա պետք է լինի ամենաօրինակելի ընտանիքը: Մի խոսքով ամենա-ամենալավը պետք է Առյուծներինը լինի և վերջ:

Կույս
Կույսերն առանձնապես երազկոտ չեն, եթե ինչ-որ երազանք է նրանց մոտ ծագում, նրանք միանգամից սկսում են պլան մշակել այն իրագործելու ուղղությամբ: Իրենց երջանիկ զգալու համար Կույսերին հարկավոր է իմանալ, որ իրենք ունեն լավ աշխատանք, տուն, ընտանիք և, իհարկե, ամուր առողջություն:

Կշեռք
Կշեռքները նույնպես երազում են գեղեցիկ և անհոգ կյանքի մասին: Շրջապատի կարծիքը նրանց համար այնքան էլ կարևոր չէ: Բացի այդ՝ Կշեռքներին գրավում է ամեն գեղեցիկ բան: Կշեռքներն ամենից զատ երազում են հաղաղության և ներդաշնակության մասին ողջ աշխարհում:

Կարիճ
Յուրաքանչյուր Կարիճի երազանքն է ցանկացած հարցում և ցանկացած իրավիճակում հաղթող լինել: Այն նշանը բավականին ագրեսիվ է տրամադրված հակառակորդների հանդեպ: Իրենց հակառակորդների կամ նախանձողներին ջախջախելն իրենց համար գերագույն հաճույք է:

Աղեղնավոր
Աղեղնավորները հիմնականում երազում են ճանապարհորդությունների, կարմիր գորգի, մեծ ընկերական շրջապատի և հայտնիության մասին: Աղեղնավորների համար սովորական, հանգիստ առօրյա կյանքից ավելի տաղտուկ և տանջալից բան չկա: Այս նշանի ներկայացուցիչներին գրավում է ամեն նոր բան՝ նոր մարդիկ, նոր վայրեր, նոր երևույթներ: Նորը ոգեշնչում է նրանց:

Այծեղջյուր
Այծեղջյուրների երազանքները բավականին պարզ են և նյութական: Բացի այդ՝ նրանք միշտ հասնում են ցանկալիին, անգամ եթե բոլորը կարծում են, որ դա անիրագործելի է, Այծեղջյուրները դանդաղ, բայց հաստատուն քայլերով գնում են իրենց նպատակի ուղղությամբ:

Ջրհոս
Ջրհոսներն իրենց բնույթով երազկոտ են և նորարար: Նրանք մեծ հաճույքով զբաղվում են նոր բաների ուսումնասիրմամբ, անում են հայտնագործություններ: Իրենց երազանքներում Ջրհոսները հիմնականում իրենց տեսնում են լրիվ այլ կերպ, քան այդ պահին են: Օրինակ, եթե Ջրհոս կինը այժմ թխահեր է, ապա իր երազանքներում նա իրեն տեսնում է շիկահեր: Ջրհոս տղամարդիկ երազում են, օրինակ, հետաքրքիր և շատ գումար բերող աշխատանքի կամ էլ բազմակնության մասին: