Աղջիկը 10 տարի սնվել է միայն չիպսերով ու հացով. ահա թե ինչ է եղել նրա հետ
Մեծ Բրիտանիայի բնակչուհին ուտելու վարքագծի խանգարման պատճառով 10 տարի սնվել է բացառապես չիպսերով ու հացով եւ բուժվել է հիպնոսի շնորհիվ, գրում է Lenta-ն՝ հղում անելով Comic Sands-ին։
Երեք տարեկանում Իզզի Քոուլը սկսել է հրաժարվել մոր պատրաստած կերակուրներից եւ հիստերիայի մեջ է ընկել, եթե նրան ստիպել են ուտել: Տարիների ընթացքում խնդիրը ավելի է խորացել, եւ բժիշկները ոչնչով չեն կարողացել օգնել: Դպրոցում բրիտանուհին չէր կարող ճաշել իր հասակակիցների հետ:
Քոուլի խոսքերով՝ սոցիալական առումով դա իր վրա ուժեղ ազդեցություն է ունեցել: «Ես այն տարիքում էի, երբ ընկերներ ունենալը շատ կարեւոր է, բայց ես զգացի, որ չեմ կարող նրանց հետ համահունչ լինել»,- խոստովանել է նա:
Արդյունքում, աղջիկը կարող էր ուտել միայն չիպսեր եւ հաց: Այլ կերակուրները նրա մոտ խուճապ ու փսխում էին առաջացնում։
Մի օր աղջկա մայրը պատահաբար նկատել է հիպնոլոգի եւ կլինիկական թերապեւտի գովազդ, ով մասնագիտացած էր ուտելու հետ կապված խնդիրների մեջ: Հիպնոսի սեանսը տեւել է երկու ժամ եւ արդյունքում օգնել է աղջկան: Մասնագետի աշխատասենյակից դուրս գալուց հետո նա անմիջապես կերել է իր հետ վերցրած բուտերբրոդը: «Ես կանգնած էի փողոցում, արքայախնձոր էի ուտում եւ լալիս էի»,- խոստովանել է նա:
Ավելին այստեղ․․․
