Հանրության հարգանքն ու վստահություն վայելող մարդուն վարկաբեկելը չափազանց բարդ, երբեմն նաև անհնրաին գործ է...
Հայկ Սաֆարյանը իր ֆեյսբուքյան էջում գրում է
Գաղտնիք չէ, որ մեր օրերում, համացանցը ողողված է տարատեսակ կեղծ ու անհեթեթ նյութերով, որոնք պարզից էլ պարզ է՝ գրված են պատվերով: Նմանօրինակ նյութերը իրենց բովանդակությամբ հիմնականում փորձում են վարկաբեկել կամ քննադատել այս կամ այն քաղաքական գործչին, քանի որ քաղաքականությունը դարձել է որոշ ամբիցիոզների ապրելակերպը: Վերջին շրջանում մեծ ջանասիրությամբ սուտ ինֆորմացիոն հոսք է նկատվում ԲՀԿ ղեկավար Գագիկ Ծառուկյանի մասին, ինչը բնականաբար ունի իր պատճառահետևանքային կապը, դա աճող ռեյտինգն է: Գիտակցել է պետք, որ ժողովրդի վստահությունն ու հարգանքը վաստակած մարդուն վարկաբեկելը չափազանց բարդ, երբեմն նաև անհնրաին գործ է...
Սակայն, ինչ որ անգրագետներ, այսօր իրավունք են վերապահում խոսել այդ մարդու անունից և անամոթաբար հայտարարել, որ նա հետ քայլ կանի կամ դուրս կգա քաղաքականությունից: Ոչ մեկը և ոչ էլ մյուսը չի լինի միանշանակ՝ Գագիկ Ծառուկյանի քաղաքական դաշտում լինելը հանրային պահանջ է եղել, իսկ նրա բոլոր քայլերը բխում են ժողովրդի շահերից: Բոլորն են գիտակցում նրա մեծ ազդեցությունը պետության զարգացման գործում: Էլ չասեմ այն, թե ինչ մեծ աջակցություն է ցուցաբերվում գյուղացուն, մարզիկին, սոցիալապես անապահով մարդկանց, և թե ինչ հսկայական ներդրումներ է արվում նրա շնորհիվ: Եվ ուրեմն՝ հետ քայլ անելու մասին նույնիսկ մտածել չի կարելի, իսկ քաղաքականության մեջ նրա մնալը ցանկացել է ժողովուրդը և դրա համար ոչ ոք չի ափսոսացել, ի տարբերություն ոմանց, որոնց հարցում մարդիկ ափսոսանք են հայտնում: Կարիք չկա քաղաքական պատվերներ կատարել կեղծ լուրեր տարածելով, քանի որ նյութի մեկ երկու մտքից արդեն զգացվում է դրա անտրամաբանականությունն ու անլրջությունը:
Գագիկ Ծառուկյանի հասցեին հնչեցված կեղծ լուրերին հավատում են միայն պատվիրատուները և պատվեր կատարողները. Հոդված հրապարակելուց առաջ սա ականջներիդ օղ արեք:
