Գերմանիան Հունաստանին եւ Թուրքիային երկխոսության կոչ է արել, այլապես ամեն ինչ....
Գերմանիան Հունաստանին եւ Թուրքիային երկխոսության կոչ է արել՝ զգուշացնելով, որ հակառակ դեպքում ամեն ինչ աղետով կավարտվի, հաղորդում է Reuters-ը:
Գերմանիայի ԱԳՆ ղեկավար Հայկո Մաասը, ով այցելել է Աթենք, եւ, ինչպես սպասվում է, կայցելի Անկարա, պատրաստակամություն է հայտնել կարգավորել ՆԱՏՕ-ի երկու դաշնակիցների միջեւ լարվածությունը՝ ասելով, որ Գերմանիան եւ ԵՄ-ի իր գործընկերն աջակցում են Հունաստանին:
Նրա խոսքով՝ Արեւելյան Միջերկրածովում ներկայիս իրավիճակը համեմատելի է «կրակի հետ խաղալուն»:
Մաասի հետ հանդիպումից հետո Հունաստանի վարչապետ Նիկոս Դենդիասը հայտնել է, որ Հունաստանը պատրաստ է Թուրքիայի հետ երկխոսել, սակայն դա չի անի «սպառնալիքի ներքո», եւ երկիրը կպաշտպանի իր ինքնիշխան իրավունքը:
Նա նաեւ ասել է, որ Արեւելյան Միջերկրածովում տարաձայնությունները ոչ միայն երկկողմ հարց են, այլ նաեւ խնդիր ամբողջ Եվրամիության համար:
ԵՄ ԱԳ նախարարները օգոստոսի 27-28-ին կքննարկեն այդ հարցը:
