ԱՄՆ-ը վրդովված է ՀԱՄԱՍ-ի առաջնորդների հետ Էրդողանի հանդիպումից
Միացյալ Նահանգները կտրականապես չի խրախուսում Ստամբուլում ՀԱՄԱՍ-ի երկու առաջնորդների հետ օգոստոսի 22-ին Թուրքիայի նախագահ Ռեջեփ Էրդողանի հանդիպումը:
«ՀԱՄԱՍ-ը ահաբեկչական կազմակերպություն է հռչակվել ԱՄՆ-ի եւ ԵՄ-ի կողմից, եւ երկու պաշտոնյաները, որոնց ընդունել է նախագահ Էրդողանը, հատկապես վտանգավոր համաշխարհային ահաբեկիչներ են: ԱՄՆ-ի Rewards for Justice ծրագիրը հարցում է արել նրանցից մեկի մասին՝ կապված մի քանի ահաբեկչական գրոհների եւ մարդկանց առեւանգումների հետ:
Նախագահ Էրդողանի մշտական շփումները այդ ահաբեկչական կազմակերպության հետ ծառայում են միայն միջազգային հանրությունից Թուրքիայի մեկուսացմանը, վնաս են հասցնում պաղեստինյան ժողովրդի շահերին եւ խափանում են Գազայում իրականացվող ահաբեկչական հարձակումները կանխելու գլոբալ ջանքերը: Մենք շարունակում ենք մեր անհանգստությունը արտահայտել թուրքական կառավարության եւ ՀԱՄԱՍ-ի միջեւ ամենաբարձր մակարդակի հարաբերությունների վերաբերյալ: Այս տարի արդեն երկրորդ անգամ է նախագահ Էրդողանը Թուրքիայում ողջունում ՀԱՄԱՍ-ի ղեկավարությանը, առաջին հանդիպումը տեղի է ունեցել փետրվարի 1-ին»,- ասված է ԱՄՆ Պետդեպարտամենտի հայտարարության մեջ:
