«Թույլ սեռն» ավելի ուժեղ է, քան «ուժեղ սեռը». ինչու՞ են ալբանացի կանայք տղամարդկանց վերածվում
Արևելյան Եվրոպայի ժողովուրդները հայտնի են իրենց արյունալի վրեժխնդրությամբ : Այդ հարցին նրանք մշտապես շատ լուրջ են վերաբերվել և գործը մինչև վերջ են հասցրել : Հաճախ վրեժը տարածվում է ոչ միայն մեղավորի, այլև նրա ընտանիքի մյուս տղամարդկանց վրա : Սակայն արյան ծարավ տղամարդիկ միշտ էլ մի սահմանափակում են ունեցել. տանը արյունալի վրեժ չի կարելի լուծել :
Այսինքն՝ տղամարդիկ վախից տանն էին մնում և դուրս էին գալիս միայն կանայք, որոնք էլ պահում էին ողջ ընտանիքին : Դա անելը հայրիշխանական պետությունում այնքան էլ հեշտ չէր, հետևաբար ալբանացիները ստեղծեցին բուրնեշի ավանդույթը :
Բուրնեշները կանայք էին, որոնք չամուսնանալու երդում էին տալիս և տղամարդկանց հագուստ էին սկսում կրել : Ամեն ինչ սկսվեց դեռ XV դարում. Իշխան Լուկա Դուկաջինին օրենքների ժողովածու ստեղծեց և այն անվանեց «Կանոնագիրք» : Կանոնագրքի գլուխներից մեկը նվիրված էր բուրնեշներին :
Աղջիկը, որը ընտանիքում միայնակ էր մնում, ենթարկվում էր այս ավանդույթին և դառնում երդվյալ կույս : Դրա հետ միասին նա ստանում էր «տղամարդկային արտոնություններ»՝ ծխելու, աշխատելու և միայնակ ապրելու հնարավորություններ : Նման աղջիկները տղամարդկանց նման էին հագնվում, տղամարդկանց վարսավիրանոցներ էին հաճախում և տղամարդուն հարիր վարքագիծ դրսևորում :
Կանայք տղամարդու վերածվում էին ոչ միայն ընտանիքի իրական գլխի անվտանգությունն ապահովելու համար, այլև այն դեպքում, եթե ցանկանում էին խուսափել արդեն իսկ պլանավորված ամուսնությունից : Ամուսնության հետ կապված հարցերում Ալբանիայում տղամարդիկ ավելի շատ իրավունքներ ունեին, քան կանայք :
Այժմ իրավիճակը երկրում փոխվել է, սակայն ոչ ամբողջությամբ : Ալբանիան դանդաղ է եվրոպականացվում : Եթե նախկինում նշված ավանդույթին շատ աղջիկներ էին հետևում, ապա այսօր նրանց թիվը շատ քիչ է՝ 3-5 հազար : Հիմնականում դրանք տարեց բուրնեշներն են, որոնք երիտասարդ տարիքից են հետևում ավանդույթին :
