Ի՞նչ կկատարվի օրգանիզմի հետ օրական 5 ժամից պակաս քնելու դեպքում
Կյանքի ժամանակակից ռիթմում, երբ հասկանում ենք, որ 24 ժամը բավարար չէ նպատակների իրագործման համար, առաջին բանը, որը զոհաբերում ենք` քունն է: Բազմաթիվ փորձագետներ և մայրիկներ պնդում են, որ իզուր ենք այդպես վարվում: Osteo Poly Clinic-ի նյարդաբան և սոմնոլոգ Օլգա Բեգաշևան ներկայացրել է քնի պակասի հետևանքները և նշել, թե քանի ժամ լիարժեք հանգիստ է պետք օրգանիզմի վերականգնման համար: Հոդվածի հեղինակը Վալերիա Բարինովան է:
Քնի պահանջը որոշվում է գենետիկորեն, այն միջինը 5-ից 8 ժամ է կազմում: Որոշ դեպքերում նույնիսկ 10 ժամը համարվում է նորմալ: Քնի հետ կապված խնդիրներն առաջանում են հիմնականում ծեր տարիքում և ավելի շատ դիտվում են կանանց մոտ: 50 տարեկանում անքնությունից տառապում է կանանց գրեթե 40%-ը: 65 տարեկանից հետո քնի խանգարումները չեն սրվում:
Քնի պահանջմունքն ուժեղանում է երեխաների ինտենսիվ աճի շրջանում: Սոմատոտրոպ հորմոնն (աճի հորմոն) արտադրվում է գիշերվա առաջին 1/3-ում: Այն ապահովում է օրգանիզմի աճն ու զարգացումը:
Քունն անհրաժեշտ է վերականգնման, իմունիտետի, աճի, հիշողության համար, և դրա ոչ լիարժեք լինելը կարող է առողջական խնդիրների առաջացման պատճառ դառնալ:
Քնի պակասի դեպքում առաջացող խնդիրները
Քնի պակասի դեպքում դիտվում են գլխացավեր, հիշողության և ուշադրության խանգարումներ, իմունիտետի անկում, աշխատունակությունը նվազում է, տրամադրությունը՝ կտրուկ փոխվում:
Քնի պակասը՝կենսառիթմերի կտրուկ խախտման պատճառով, մեծացնում է կյանքի կրճատման հավանականությունը: Այսինքն՝ երկար ապրում են նրանք, ում կենսառիթմերը ճշգրիտ են: Խորհուրդ է տրվում շվեյցարական ռեժիմին հետևել, այն է՝ ամեն օր նույն ժամին քնել ու արթնանալ:
Լուսինե Նալբանդյան
