Ինչպիսին պետք է լինի տաքսու վարորդը 2050 թվականին. քննարկումներ՝ համացանցում
Օրվա թոփ թեման Հայաստանի՝ մինչև 2050 թ․ վերափոխման ռազմավարությունը ներկայացնելու ժամանակ ՀՀ վարչապետ Նիկոլ Փաշինյանի հայտարարությունն է կրթության մասին, երբ վերջինս ասաց, թե սովորելը յուրաքանչյուր մարդու համար պետք է դառնա ապրելակերպ: Մասնավորապես, առանձնացնելով տաքսիստներին` վարչապետը նշեց. «Տաքսու վարորդը պետք է կարողանա հաճախորդի դեմքին նայելով հասկանալ, թե որ երաժշտությունը հաճելի կլինի նրան»:
Վարչապետի այս արտահայտությունը զավեշտի առարկա է դարձել համացանցում: Սոցցանցերի օգտատերերը ակտիվորեն քննարկում են, թե իրենց դեմքին նայելիս տաքսու վարորդը ինչ երաժշտություն կարող է միացնել. «Էսօր նստեցի տաքսի, վարորդը նայեց դեմքիս ասեց՝ ախպերս, մի հատ էդ դիմակդ կիջացնե՞ս, երաժշտական նախասիրություններդ ջոկեմ», «դանդաղ արտասահմանյան», «Էլթոն Ջոն», «վարպետ ջան, դեմքիս արտահայտությանը չխաբնվես: Ես Բի Բի Քինգ, Էլ Ջերո ու Քուինսի Ջոնս հարգող եմ, բայց հիմա սիրտս դառը դուդուկ ա ուզում»: Օգտատերերը հումորային գրառումներին կից նաև զավեշտալի լուսանկարներ են ներկայացրել:
Ստորև ներկայացնում ենք փոքրիկ քաղվածք համացանցից, թե ինչ հումորներ են անում այդ առիթով համացանցի օգտատերերը:
