Հակատուբերկուլյոզային դիսպանսերի 70 աշխատող անգործ կմնա
Երևանի Հակատուբերկուլյոզային դիսպանսերը ֆինանսավորման բացակայության պատճառով հունվարից չի աշխատելու:
«Մեզ այս տարի պետպատվեր չեն տրամադրել: Իհարկե, նախարարությունից չեն ասել, որ փակելու են մեր հաստատությունը, բայց մենք ամբողջովին պետպատվերի շրջանակում աշխատող հիմնարկ ենք: Նման քայլից հետո, այլ բան մտածել չենք կարող»: ԼՈՒՐԵՐ.com-ի հետ զրույցում ասաց Երևանի «Հակատուբերկուլյոզային դիսպանսեր» ՍՊԸ–ի տնօրեն Մկրտիչ Մկրտչյանը:
Նա նշեց, որ հիմա ստացիոնար բուժումը, խորհրդատվությունը իրականացվելու է Աբովյանի տուբստացիոնարում, որտեղ կան առանձին կաբինետներ:
«Ստացիոնար բաժինը միացնում են Աբովյանին: Իսկ մնացած լաբորատորիաներն արդեն պոլիկնիկաներում կարող են գործառույթներն իրականացնել: 2008-ից 9 պոլիկնիկայում կան նման կաբինետներ: Այնտեղ, բնականաբար, կան բժիշկներ, բուժքույրեր: Ընդունում են հիվանդներին, խորհրդատվություն իրականացնում»,-ընդգծեց տնօրենը:
Մկրտչյանի խոսքով՝ այս պահին իրենց համար ամենագլխավոր հարցը աշխատողներն են. «Մեզ մոտ 70-ից ավելի մարդ է աշխատում: Արդեն նամակներ ենք ուղարկել քաղաքապետարան ու Առողջապահության նախարարություն՝ խնդրանքով, որ գոնե օգնեն բուժաշխատողներին այլ հաստատաություներում աշխատանք գտնելու հարցում»:
Տնօրենի խոսքով՝ չֆինանսավորելու հիմանվորումն այն է եղել, որ հիվանդները պակասել են, իսկ այլ հաստատություներ կարող են հոգալ հիվանդների պահանջները. «Նախարարությունում կարծում են, որ այդ
