Գագիկ Ծառուկյանի ներդրումը մեծ կլինի երկրում իրավիճակի բարելավման համար և կոչ եմ անում վերանայել Գագիկ Ծառուկյանին ազատելու հանրային պահանջը
Armine Hakobyan-ը գրում է
Բոլորս էլ քաջատեղյակ ենք երկրում տիրող իրավիճակից, Հայտարարված է ռազմական դրություն և յուրաքանչյուրս փորձում ենք ինչ-որ կերպ մեր լուման ներդնել և աջակցել սահմանին կանգնած մեր քաջ հերոսներին: Այս դժվարին պայմաններում մենք պետք է համախմբված լինենք, մեր ուժերը միասնականացնելով լուծենք երկրին ծառացած այս խնդիրը: Սակայն կարծես թե իշխանական թևը ոչ օբյեկտիվ է նայում այս խնդրին և շարունակում են առաջ տանել իրենց շահերը:
Ինչպես գիտենք մինչ ռազմական դրության հայտարարումը կալանավորել են ԲՀԿ նախագահ Գագիկ Ծառուկյանին: Այն, որ այս կալանքը անհիմն և անօրեն է հիմա չեմ անդրադառնա, բայց հիմա այս ծանր պահին այդ կեղծ թեզը առաջ տանելը անընդունելի է:
Հուսով եմ չեք մոռացել, որ դեռևս 2017 թվականին էր, երբ ԲՀԿ ղեկավար Գագիկ Ծառուկյանի նախաձեռնությամբ տարբեր երկրների պահպանողական և ռեֆորմիստական գաղափարներ դավանող քաղաքական ուժերից, խորհրդարանների պատգամավորներից կազմված ներկայացուցչական պատվիրակության անդամներն ուղղաթիռներով այցելեցին Արցախի Հանրապետություն, որտեղ և տեղում ծանոթացան իրավիճակին և ադրբեջանի կողմից կեղծ պրոպագանդան հօդս ցնդեց: Եվ հիմա այս օրհասակն պահին ինչո՞ւ են մեր իշխանական թևի ներկայացուցիչները ուրանում այս ամենը և միասնական լինելու փոխարեն հակառակ գործողություններ իրականացնում՝ պառակտություններ մտցնելով երկրում:
Եվ այժմ եկեք ընդունենք այն փաստը, որ Գագիկ Ծառուկյանի ներդրումը կարող է մեծ լինել երկրի իրավիճակի բարելավման համար և նույնիսկ կարող է ճակատագրական հետևանքներ ունենալ:
Եվ այսպիսով կոչ եմ անում ձեռընպահ մնալ անտրամաբանական քայլել իրականացնելուց և ևս մեկ անգամ վերանայել Գագիկ Ծառուկյանի ազատելու հանրային պահանջը
