Իմքայլական պատգամավորներն ասել են, որ կմիանան Նիկոլ Փաշինյանին պաշտոնից ազատելու գործընթացին
ԲՀԿ խմբակցության պատգամավորները մտնում են Ազգային ժողով: Այս մասին քիչ առաջ հայտարարեց Նաիրա Զոհրաբյանը՝ հայտարարելով, որ իրավական ճանապարհով սկսում են արտահերթ նիստ սկսելու գործընթաց:
Ավելի վաղ Իշխան Սաղաթելյանը հայտարարել էր, որ պետք է արտահերթ նիստ հրավիրվի, Նիկոլ Փաշինյանը պետք է հեռանա:
Զոհրաբյանը, դիմելով Փաշինյանին, հայտարարեց, որ թուրքի առաջ Արցախը ծնկի բերած հայը չի կարող շարունակել մնալ ղեկավար. «Դիմում եմ «Իմ քայլի» պատգամավորներին, ովքեր ինձ ասել են, որ զարհուրած են, ցավում են, ասել են, որ մենք սկսենք գործընթաց, իրենք վերջին պահին կմիանան: Չկա վերջին պահ, սա միակ ու ճակատագրական պահն է»:
Զոհրաբյանն ասաց, որ սպասում են նաև ԼՀԿ-ականներին:
