Նիկոլ Փաշինյանը բացի ներքաղաքական էժանագին շոուներից, բացի խայտառակ քաղաքական հետապնդումներից այլ բանի ընդունակ չէ
Vahan Petrosyan-ը գրում է
Վարչապետի կողմից կապիտուլյացիայի խայտառակ փաստաթուղթը ստորագրելուց հետո, սպասվում էր, որ երկրում պետք է տիրեր միասնականության մթնոլորտ, որ բոլորի ջանքերը պետք է ուղղված լինեին հանուն մեկ նպատակի, սակայն «ի շնորհիվ» վարչապետի և իր քաղաքական թիմի, ինչպես եղել է նախորդ 2․5 տարիների ընթացքում, երկրում շարունակվում է տարածվել ատելության և անհանդուրժողություն։ Նույնիսկ այս ծանրագույն պահին երկրի թիվ մեկ ամբիցիոզը շարունակում է սեփական շահը վեր դասել պետության շահերից և հերթական անգամ քաղաքական հետապնդման ենթարկել ԱԺ մեծությամբ երկրորդ ուժի ղեկավար Գագիկ Ծառուկյանին։ Վերջին օրերի խայտառակ իրադարձությունները ձեզ վկա, երբ վարչապետի հրաժարականի արդարացի պահանջով տեղի ունեցող հանրահավաքներից առաջ ԲՀԿ ղեկավարը հրավիրվում էր ԱԱԾ կամ ՀՔԾ։ Եվ այդ ամենն էլ դեռ հերիք չէ, հիմա էլ փորձում են Կոռուպցիայի կանխարգելման հանձնաժողովի միջոցով և ինչ որ անհեթեթ պատճառաբանություններ մեջ բերելով, Գագիկ Ծառուկյանին զրկել պատգամավորական մանդատից։ Հասկանում ենք, որ Նիկոլ Փաշինյանը բացի ներքաղաքական այսպիսի էժանագին շոուներ կազմակերպելուց, ուրիշ ոչնչի ունակ չէ և նաև շատ լավ հասկանում ենք, որ հենց այդ պատճառով է, որ երկիրը կանգնած է անդունդի եզրին։ Վարչապետի կողմից այսպիսի անհավասարակշիռ և անլուրջ վարքագիծ ցուցաբերելուց հետո, այդ որ մի միջազգային կառույցը պետք է փորձի օգնություն ցուցաբերել կամ ինչ որ հարցում միջամտել։ Ամեն գնով աթոռից կառչելով, վարչապետի պաշտոնը զբաղեցնող անհավասրակշիռ անձնավորությունը ունակ չէ կառավարել երկիրը, քանզի նրա օրոք բացի քաղաքական հետապնդումներից ուրիշ ոչինչ տեղի չի ունեցել մեր երկրում։
Նիկոլ Փաշինյանի կողմից մշտապես լսում ենք միասնականության կոչեր, սակայն ումն են պետք այդ կոչերը, եթե դրանք այդպես էլ մնում են օդում կախված, եթե ոչ մի քայլ չես անում և դեռ հակառակը, չես էլ թողնում, որ ուրիշները համախմբվեն այդ կոչերի շուրջ։
