Պատերազմի ամբողջ ընթացքում իշխանությունը հանցավոր կերպով միջամտել է ռազմական գործողությունների ծրագրմանը, ինչի հետևանքով հարյուրավոր զոհեր ենք տվել. Արա Սահակյան (տեսանյութ)
1988-ից ի վեր Հայաստանը երբևէ այսքան զրոյական ազդեցություն չի ունեցել Արցախի վրա, ինչպես այսօր, այն դարձել է օտարված տարածք, որտեղ տեղի ունեցողին մենք ականատեսի աչքով ենք նայում, որևէ ազդեցություն չունենք․ շրջադարձը կսկսվի, երբ մարդիկ կհասկանան՝ ինչ է տեղի ունեցել, շատերն այսօր որոնումների մեջ են, բայց պարզ է, որ այս պարտությունը կուլ չենք տա: «Արմնյուզ» ՀԸ «#ՕրաԽնդիր» հաղորդման ժամանակ նման կարծիք է հայտնել «Հայրենիք» կուսակցության խորհրդի անդամ, ԳԽ և ԱԺ նախկին փոխնախագահ Արա Սահակյանը:
Հեռացող և եկող բոլոր նախարարներն այս վիճակի պատասխանատուն են։ Փաշինյանը նրանց բոլորին օգտագործեց և դուրս շպրտեց, նրանցից որևէ մեկը տղամարդկային արժանապատվություն չունեցավ որևէ խոսք ասելու։ Այս իշխանությունն արել է ամենազարհուրելին և պետք է հեռանա»:
Քաղաքական գործչի կարծիքով՝ եթե որևէ պետություն հայտնվում է պատերազմի վիճակում, դա նշանակում է իշխանության կոլապս, ձախողում. «Այս վարչախմբի ջանքերով մենք դարձել ենք ձախողված պետություն։ Պատերազմ չպետք էր թույլ տալ։ Եթե նրանք արյունով պիտի հանձնեինք տարածքները, ինչո՞ւ մինչ այդ չսկսեցին քաղաքական բանավեճ, չէ՞ որ Փաշինյանն ասում էր՝ ամեն ինչ քննարկելու եմ ձեզ հետ։ Ստով եկան իշխանության, պարուրեցին մարդկանց մտքերը, անջրպետ ստեղծեցին նրանց հետ և գործեցին՝ արհամարհելով իրենց հավատացողներին»:
Արա Սահակյանի պնդմամբ՝ Արցախի մասին այս իշխանությունը որևէ պատկերացում չի ունեցել, նրանց համար Արցախն օտար մի բան է, նրանք եկել էին՝ Արցախը հանձնելու. «Այս կառավարությունը կոլեկտիվ քաղաքական պատասխանատվություն չի կրում, նրանք չունեն ուղեգիծ։
Ավելին՝ այստեղ
