Մինչ այժմ եղբայրս էր ինձ ծաղիկներ նվիրում, իսկ հիմա ես եմ թարմ ծաղիկներ խոնհարում եղբորս շիրիմին. 17-ամյա քրոջ հուզիչ նամակը հերոս եղբոր մասին
Թշնամու երեք տանկ խոցած, ապա հերոսաբար ընկած հերոս Նարեկ Բադալյանի 17-ամյա քրոջ հուզիչ նամակը եղբոր մասին.
Ես Անուշիկ Բադալյանն եմ՝ Նարեկ Բադալյանի քույրը, ՀԵՐՈՍ Նարեկի քույրը: Պատերազմի առաջին օրերից եղբայրս կռվել է ամենաթեժ կետերում՝ Հադրութում, այնուհետեւ Շուշիի մատույցներում՝ Քարինտակում: Երբեք չի դժգոհել իր ծառայությունից: Միայն վերջերս եմ իմացել, որ երեք տանկ է խոցել: Երբ խոսում էի հետը՝ ինքն էր ինձ ուժ տալիս, ասում, որ ամեն ինչ լավ է: Ամեն վարկյան սրտի թրթիռով սպասում էի զանգին: Խոսելու ընթացքում հանգստանում էի, իսկ խոսելուց հետո սպասում հաջորդ զանգին: Երբ մի օր չէր զանգել անհանգստությունից տեղս չէի գտնում: Հաջորդ օրը զանգեց եւ ասաց. <<Ուշ-ուշ կզանգեմ, բայց ոչ ուշացած>>: Նոյեմբերի յոթին ընկնելով շրջափակման մեջ , պայքարելով մինչեւ վերջին նռնակն ու փամփուշտը, ինքն իր ձեռքով կնքել է իր անմահությունը, որպեսզի թուրքին չպատճառի իր մարմինը խոշտանգելու հաճույքը...
Ես սպասում էի եղբորս ու համոզված էի, որ նա վերադառնալու է : Հիմա ինձ համար այդ երկու տարին մի ամբողջ կյանք է տեւելու: Ես շարունակելու եմ սպասել նրան: Ես հպարտ եմ, որ ունեմ Նարեկին: Այ՛ո, Նարեկը կա ու նա ապրում է իմ սրտում: Ես իրավունք չունեմ թուլանալ ու կոտրվել, ես պետք է իրականացնեմ եղբորս երազանքներն ու նպատակները, որոնք նա չհասցրեց իրականացնել:
Ավելին՝ այստեղ
