ԶՈՀՎԱԾ ԶԻՆՎՈՐԻ ՀԱՅՐՆ ԱՍՈՒՄ Է՝ ՍԵՒԱՆԻ ՔԱՂԱՔԱՊԵՏԱՐԱՆՈՒՄ ԻՐԵՆ ԽԱԲԵԼ, ՊԵՏՈՒԹՅԱՆ ՓՈԽՀԱՏՈՒՑՈՒՄԸ ՉԵՆ ՏՐԱՄԱԴՐԵԼ
Սեւան քաղաքի բնակիչ Մխիթար Վարագյանի որդին՝ Գորիս Վարագյանը զոհվել է Արցախյան պատերազմում եւ հուղարկավորվել Սեւան քաղաքի գերեզմանատանը։ Նրա հայրը՝ Մխիթար Վարագյանը գրավոր դիմել է «Հրապարակ»-ի խմբագրությանը, որտեղ պատմել է, որ Սեւանի քաղաքապետարանի քարտուղար Արմինե Ղուկասյանը իրեն խաբելով, առիթից օգտվելով իրեն մի շարք փաստաթղթեր է ստորագրել տվել, որոնց համաձայն՝ ինքն հրաժարվել է օրենքով նախատեսված բոլոր օգնություններից։
ց, թե ինչ փաստաթղթեր են դրանք եւ բարձրաձայն չկարդաց, միայն ասելով ինձ, որ դրանք վերաբերվում են համապատասխան գումարային փոխհատուցումներ ստանալուն՝ զոհված որդու համար»,-պատմում է զոհվածի հայրը։
Վարագյանը իրավապահ մարմիններից պահանջում է այս դեպքի առթիվ քրեական գործ հարուցել։
Արմինե Ղուկասյանը, որի կողմն էլ մեր զրուցակիցը ուղղում էր մեղավորության սլաքները, մեզ ասաց, որ այն, ինչ պատմել է Մխիթար Վարագյանը իրականությանը չի համապատասխանում։
Ըստ նրա՝ սկզբում քաղաքապետարան է գնացել զոհվածի քույրը՝ Մարինեն, իրենք պահանջել են ծնողների համապատասխան փաստաթղթերը՝ հոր եւ մոր, սակայն քույրն ասել է, թե իրենք հոր հետ կապ չունեն, ծնողներն ամուսնալուծված են, սակայն իրենք պնդել, որ անհրաժեշտ օգնություն ստանալու համար երկու ծնողի փաստաթղթերն էլ պարտադիր են։
Այս խոսակցությունից հետո զոհվածի քույրը հեռացել է եւ 2 օր անց եկել հոր հետ․ «Ես հորից վերցրել եմ միայն իր անձնագիրը եւ սոցքարտը, որպեսզի սքանավորեմ։ Հայրը կանգնել է, աղջիկը նստել է։ Վերջինս ցույց է տվել, հայրն էլ ստորագրել է։ Հայրն ինձ ընդամենը մեկ հարց է տվել՝ պետությունն է որոշո՞ւմ, ասել եմ՝ ոչ, սա ձեր ընտանիքի գործն է, ենթադրում եմ՝ նկատի ուներ ում ինչ տան։ Որից հետո ես Մարինեին՝ աղջկան, հարցրել եմ՝ ամեն ինչ կարգի՞ն է, ասել է՝ մենք խնդիր չունենք։ Իրենք այնուհետեւ գնացել, բերել են հաշվառման վայրի փաստաթուղթը, դիմումները գրել էին, փաստաթղթերը դրված էին սեղանին։ Վերջ, այս է եղել մեր հանդիպումը»։
Ավելին՝ այստեղ
