Ռուս խաղաղապահները հետ են վերցրել երեկ ադրբեջանցիների գրաված Հին Թաղեր և Խծաբերդ գյուղերը, հիմա մարտեր են Լաչինի հատվածում
Ռուս խաղաղապահները վերահսկողության տակ են վերցրել Արցախի Հադրութի շրջանի Խծաբերդ և Հին Թաղեր գյուղերը։ Այս մասին տեղեկանում ենք Ռուսաստանի դաշնության պաշտպանության նախարարության կայքից։
ՌԴ ՊՆ կայքում հայտնվել է խաղաղապահ գործողության անցկացման գոտու նորացված քարտեզը։
Դատելով քարտեզի նոր տարբերակից ՝ ռուս խաղաղապահների վերահսկողության տակ են անցել նաև Խծաբերդ և Հին Թաղեր գյուղերի տարածքները։
Հիշեցնենք, որ ադրբեջանական կողմը երեկ գրավել էր Հին Թաղեր գյուղը ու մասամբ մտել նաև Խծաբերդ։
Դեկտեմբերի 11-ին՝ ժամը 20:40-ի սահմաններում, օգտվելով այն փաստից, որ Արցախի Հանրապետության տվյալ հատվածում խաղաղապահ ուժեր տեղակայված չեն, Ադրբեջանի զինված ուժերի հատուկջոկատային ստորաբաժանումները գրոհ են ձեռնարկել արցախա-ադրբեջանական շփման գծի՝ Հադրութի շրջանի Հին Թաղեր և Խծաբերդ բնակավայրերի հատվածում, ինչի հետևանքով տարբեր աստիճանների հրազենային վիրավորումներ են ստացել ՊԲ վեց զինծառայողներ:
Միևնույն ժամանակ, վերջին մեկ օրվա ընթացքում երկրորդ անգամ է ադրբեջանական բանակը խախտում է նոյեմբերի 9-ին կնքված եռակողմ հայտարարությունը:
Մարտեր են ընթանում Արցախի Շուիի շրջանի Մեծ Շեն և Հին Շեն գյուղերի տարածքում: Ինչպես գրում է Баграмян 26 թելեգրամ ալիքը, այդ գյուղերը գտնվում են Լաչինի միջանցքի մոտակայքում, այսինքն ՝ թշնամին մտադիր է կտրել Արցախը Հայաստանից:
Մարտերն իրականում ընթանում են ռուսական խաղաղապահ ուժերի դիրքերի մոտ:
