ԿԳՄՍ նախարարությունը Երևանում սկսեց պատմամշակութային հուշարձանների մասին տեղեկատվական արշավը

Поделиться


Պատմամշակութային հուշարձանների պահպանման, օգտագործման և հանրահռչակման նպատակով ՀՀ կրթության, գիտության, մշակույթի և սպորտի նախարար Արայիկ Հարությունյանը, նախարարի տեղակալ Նարինե Խաչատուրյանը հունվարի 11-ին մի խումբ լրագրողների հետ այցելեցին Հայկանուշ Դանիելյանի Բաղրամյան 8 հասցեում գտնվող առանձնատուն, որը հուշարձան-շենք է, այնուհետև` Հայաստանի գրողների միություն` ներկայացնելով տեղեկատվական թերթիկներ:

Թերթիկներում հակիրճ և հստակ ներկայացվում են նման շենքերում աշխատելու կամ ապրելու, տարածքն օգտագործելու, չաղճատելու պայմանները, ինչպես նաև տվյալ շենքերի օգտագործման կամ պահպանության կանոնները խախտելու դեպքում օրենքով նախատեսվող տուգանքները:

«ՀՀ տարածքային կառավարման և ենթակառուցվածքների նախարարության, ՀՀ կադաստրի կոմիտեի հետ սերտ համագործակցությամբ որոշեցինք Երևանում և ՀՀ մարզերում իրականացնել իրազեկման արշավներ`քաղաքացիներին նամակով տեղեկացնելով, որ իրենք ապրում են հուշարձան հանդիսացող շենքում և պետք է իմանան շենքի հետ կապված իրենց իրավունքներն ու պարտականությունները»,-ասաց Հարությունյանը:


Նախարարը կոչ արեց կամավորության սկզբունքով միանալ արշավին: «Մենք կձևավորենք կամավորական խմբեր և նրանց կբացատրենք, թե ինչ ուղերձ է պետք հասցնել քաղաքացիներին: Կարծում ենք` սա էականորեն կփոխի իրավիճակը»,-շեշտեց նա:

Նարինե Խաչատուրյանն էլ հավելեց, որ արշավը սկսել են համայնքներից, եղել են երեք մարզում, հանդիպել են համայնքապետերի ու մարզպետների: «Շատ դեպքերում խոսքը ոչ միայն հուշարձան-շենքի մասին է, այլև հնավայրի, որի շուրջ նոր գերեզմաններ են հայտնվում, ինչն անթույլատրելի է: Պատճառներից է այն, որ երբեմն համայնքապետերը չգիտեն, որ չի կարելի այդպես վարվել, որոշ դեպքերում էլ պատճառաբանում են, որ նոր գերեզմանների համար տարածք չկա»,-շեշտեց Խաչատուրյանը:

Նրա խոսքով` ունեն Երևանի բոլոր վարչական շրջանների հուշարձան-շենքերի հասցեները, որոնք թե՛ բնակելի են, և թե՛ հասարակական նշանակության: «Դրանք հազարավոր են: Բաղրամյան պողոտայում կան շենքեր, որոնք ակնհայտ հուշարձան են, բայց ցանկերում ներառված չեն: Մենք պետք է ճշտենք այդ թյուրիմացությունն ու հստակեցնենք: Նաև օրենսդրական փոփոխությունների վրա ենք աշխատում: Իրազեկումից հետո հակված ենք հարակից օրենքներում խստացնել պատժամիջոցները»,-շեշտեց փոխնախարարը:

1STOPPED
ՀՀ ԿԳՄՍ նախարարության նախաձեռնության` ՀՀ տարածքային կառավարման և նեթակառուցվածքների նախարարության, ՀՀ կադաստրի պետական կոմիտեի հետ սերտ համագործակցության արդյունքում իրականացվող իրազեկման արշավը նպատակ ունի ոչ պաշտոնական քննարկումների ճանապարհով լայն հասարակության ուշադրությունը սևեռել պատմամշակութային ժառանգության ոլորտում առկա խնդիրների, անելիքների, մարտահրավերների վրա, թե ինչպես տարբեր իրավիճակներում գտնել լուծումներ, հանդես գալ նախաձեռնություններով:

Իրազեկման արշավի առաջին կանգառները Սյունիքի, Վայոց ձորի և Արարատի մարզերն են եղել, հանդիպում-քննարկումներն այդտեղ դրական արձագանք են գտել, և 2020 թվականի հունվարից արշավները կշարունակվեն մյուս վայրերում:

Այս նախաձեռնությունը նպատակ ունի քաղաքացիների շրջանում ձևավորել հոգատարություն և պատասխանատու վերաբերմունք պատմամշակութային ժառանգության հանդեպ:

Поделиться
դիտվել է 33 անգամ
Լրահոս
Ֆրանսիայում գնացքի վթարի հիմնական վարկած է դիտարկվում կանխամտածված միջամտությունը Կարեն Խաչանովը ԱՄՆ բաց առաջնությունում իր խաղի համար վաստակել է 1.45 միլիոն դոլար Աստանայում կինը 15-րդ հարկից ընկել է մանկասայլակի վրա․ կինը և երեխան մահացել են BRICS-ի երկրները կոչ են արել պահպանել հրադադարը Գազայում «Առաջին հերթին չեզոքացնել այն ընդդիմադիրներին, որոնք ունեն ռեսուրսներ, և դրանք ինչ-որ պահի կարող են ծառայել փոփոխությունների նպատակին». «Փաստ» Երբ մի հարցուպատասխանը բացահայտում է իրավիճակի ծանրության ողջ պատկերը. «Փաստ» Հայաստանում մարդու իրավունքների խախտումները կրում են զանգվածային ու համակարգված բնույթ. «Փաստ» Ընտրություններն անցան, «սերն» ու «սրտիկներն» էլ հետը. «Փաստ» Տեղերում տրամադրություններ են շոշափում. «Փաստ» Oրենքի առաջ բոլորը հավասար են, բացի Նիկոլ Փաշինյանից. «Փաստ» Հայաստանի կառավարությունը հավանություն է տվել Լեհաստանի հետ ռազմատեխնիկական համաձայնագրին Երևանում կանցկացվի «Անցյալի ապագա» միջազգային էթնո-նորաձևության փառատոնը Ուշադրություն վարորդներին. սեպտեմբերի 12-ին և 13-ին Երևանի մի շարք փողոցներ փակ կլինեն Նորվեգիայի արքայադուստր Աստրիդ Մոդ Ինգեբորգը մահացել է 94 տարեկան հասակում Այգեստանում գործարկվելու է էլեկտրական շչակ Չինաստանում բեռնատար նավում բռնկված հրդեհի հետևանքով 25 մարդ է զոհվել Մեկնարկել է «Լամբադա» տրանսպորտային հանգույցի հիմնանորոգումը Ռեալի նախկին ֆուտբոլիստը նշել է ՉԼ-ի երկու գլխավոր ֆավորիտներին՝ չընդգրկելով Մոուրինյուի թիմին Երբ պաշտոնը դառնում է հավատարմության դիմաց տրվող ռեսուրս. «Փաստ» «Փաշինյանի վարած քաղաքականությունը դիվերսիֆիկացիա չէ, վերակողմնորոշում է, որը շատ ծանր գին ունի Հայաստանի համար». «Փաստ» Երբ ակնկալիքների ու իրականության միջև խոր անդունդ է. «Փաստ» Սեփականության խլում՝ «շարադրությամբ». «Փաստ» Ընդդիմության հնարավորությունները «բանտային լճացման» պայմաններում. «Փաստ» Ադեկվատությունն ընդդեմ արկածախնդրության. «Փաստ» Ի վերջո, վարձակալության կհանձնվի՞ ՀԿՄ Դիլիջանի ստեղծագործական տունը. «Փաստ»
ԱՄԲՈՂՋ ԼՐԱՀՈՍԸ
Ամենաընթերցվածները
Կարեն Խաչանովը ԱՄՆ բաց առաջնությունում իր խաղի համար վաստակել է 1.45 միլիոն դոլար 1 BRICS-ի երկրները կոչ են արել պահպանել հրադադարը Գազայում 2 Աստանայում կինը 15-րդ հարկից ընկել է մանկասայլակի վրա․ կինը և երեխան մահացել են 3 Ֆրանսիայում գնացքի վթարի հիմնական վարկած է դիտարկվում կանխամտածված միջամտությունը 4