ՌԴ-ն արգելք դրեց Ադրբեջանի առջև
Ռուսաստանը հունվար ամսին չի թույլատրել Ադրբեջանից շուրջ 120 տոննա լոլիկի մուտքը երկիր: Այս մասին տեղեկացնում է minval.az կայքը` հղում տալով «Ռոսսելխոզնադզոր»-ի հաղորդագրությանը:
2021 թվականի հունվարին կառույցի տեսուչները ստուգել են 49 000 տոննա բերք:
«Ստուգման արդյունքներով՝ Ադրբեջանից 7, իսկ Իրանից 1 խմբաքանակ վարակված են եղել կարանտինային վտանգավոր օբյեկտներով: Վտանգավոր ապրանքների ներմուծումը Ռուսաստանի Դաշնության տարածք արգելվել է»,-հայտնում է «Ռոսսելխոզնադզոր»-ը:
Ապրանքների ընդհանուր ծավալը, որոնք 2021 թվականի հունվարին չեն հասել ռուսական շուկա, կազմել է ավելի քան 173 տոննա: Մասնավորապես, Ադրբեջանից եկող 119 տոննա լոլիկի մեջ հայտնաբերվել է հարավամերիկյան լոլիկի ցեց, իսկ Իրանից 55 տոննա պիստակի մեջ` մակաբույծ գաղձ:
