Google-ը թողարկել է Android 12-ի առաջին տարբերակը: Ի՞նչ նորություններ կան

Ընկերությունը պաշտոնապես բացահայտել է Android-ի նոր տարբերակի մանրամասները` բետա տարբերակների ժամանակացույց և հիմնական նորամուծություններ։

Android 12-ի առաջին տարբերակը թողարկվել է մշակողների համար, որպեսզի սկսեն ծրագրեր պատրաստել թարմացման համար: Ճիշտ է, յուրաքանչյուրը կարող է տեղադրել այս թարմացումը, նույնիսկ՝ առանց մշակողի կարգավիճակի:

Ինչ նորություններ կան

Դիզայնի փոփոխությունների շարքում առանձնանում է ծանուցման վահանակի նոր դիզայնը։ Այս ընտրացանկի ֆոնը դադարել է թափանցիկ լինել, ներդիրների անկյունները դարձել են ավելի կլորացված, իսկ վերին մասում մնացել են միայն չորս արագ կառավարման պատկերակներ: Նրանք նաև խոստանում են նոր համակարգային անիմացիաներ և ավելի հարթ ինտերֆեյս:

Փոխվել է նաև clipboard-ը: Այժմ ձեր սմարթֆոնից կարող եք արագ պատճենել լուսանկար կամ տեսանյութ մի ծրագրից մյուսը, ինչպես պարզ տեքստը: Բացի այդ, Android 12-ը համակարգի մակարդակով աջակցություն է ավելացրել HEVC (H.265) ձևաչափին. Ծրագրերը կկարողանան բացել այդպիսի տեսանյութեր, նույնիսկ, եթե մշակողը դա չի կանխատեսել:

Նրանք նաև հոգ են տանում անվտանգության մասին: Օրինակ, անմիջապես ծանուցման վահանակից դուք կարող եք ամբողջովին անջատել խոսափողը կամ տեսախցիկը. Բոլոր մյուս ծրագրերում դրանք կդադարեն աշխատել:

Սրանք Google-ի հայտարարած փոփոխություններից ընդամենը մի քանիսն են: Ժամանակի ընթացքում առաջին ակնարկները կհայտնվեն նրանցից, ովքեր ժամանակ ունեն օգտվել Android 12-ի նախնական տարբերակից, բայց ավելի լավ է սպասել գոնե առաջին բետա տարբերակներին, երբ համակարգը դառնա ավելի կայուն և ամբողջական:

Android 12-ը նույնպես դարձավ մոդուլային: Այժմ համակարգի առանձին բաղադրիչները կարող են թարմացվել անմիջապես Google Play-ում, ինչպես սովորական ծրագիրը:

Ինչպես միշտ, Android 12-ի նախաթողարկումը հասանելի է միայն Pixel սմարթֆոնների համար, սկսած 3-րդ մոդելից: Առաջին բետա տարբերակները կհայտնվեն մայիսին, իսկ վերջնական թողարկումը կլինի օգոստոսին կամ ավելի ուշ:

Android 12-ի մասին բոլոր արտահոսքերին կարող եք ծանոթանալ 168.am-ի անդրադարձում։