Խաչիկ Ասրյանի կոչի արձագանքները․ պահանջում ենք վռնդել անգլիական շպիոններին
«Հայոց Արծիվներ. Միասնական Հայաստան» կուսակցության նախագահ Խաչիկ Ասրյանը իր ֆեյսբուքյան էջում գրել է, որ 2021 թվականի մարտի 16-ին, Երևան քաղաքում տեղակայված Անգլիայի դեսպանատան դիմաց «Հայոց Արծիվներ. Միասնական Հայաստան» կուսակցության ղեկավար կազմը (110 մարդ), կուսակցության առաջնորդ Խաչիկ Ասրյանի գլխավորությամբ, բողոքի ակցիա է իրականացրել՝ ուղղված անգլիական «Հալո Թրաստ» լրտեսական կազմակերպությանը: «Հայոց Արծիվներ. Միասնական Հայաստան» կուսակցության անդամները պահանջո՛ւմ են՝ Հայաստանից վռնդե՛լ անգլիական շպիոններին։
Այդ հայտարարության մեջ «Հայոց Արծիվներ. Միասնական Հայաստան» կուսակցության անդամները պահանջագիր են ներկայացրել, ըստ որի՝ նրանք Հայաստանի կառավարությունից պահանջում եմ, որ մեր հայրենիքից վռնդեն հետախուզական և լրտեսական գործունեություն իրականացնող անգլիական կազմակերպությանը և այլևս ոչ մի առնչություն չունենան վերջինիս հետ: Հայաստանում Մեծ Բրիտանիայի դեսպանատնից պահանջում են, որ իրենց պետությունը դադարեցնի Հայաստանի և Հայ ազգի դեմ արդեն հարյուրամյակից ավել շարունակվող հակահայ քաղաքականությունը:
Ֆեյսբուքյան օգտատերերը այս հայտարարությունը անարձագանք չեն թողել։
Օրինակ ֆեյսբուքյան օգտատեր Լիլի Աբովյանը գրել է․ «Խորին հարգանքներս Ձեզ և Ձեր թիմին... միանում եմ պահանջին», մյուս օգտատեր Գայանա Յարալյանը ևս միանում է պահանջին․ «Միանում եմ ձեր պահանջին, պետք է ազատվել բոլոր տեսակի օտարամոլ շպիոններից, ովքեր կործանում են մեր երկիրը»։ Շատ օգտատերեր են միացել այս պահանջին, նրանցից մեկն էլ Աշխեն Հովհաննիսյանն է․ «Միանում ենք պահանջին՝ դուրս շպրտել «Հալո Թրաստ» կազմակերպությանը, դուրս շպրտել Անգլիայի դեսպանատունը Հայաստանից, նրանց դատի տալ միջազգային ատյաններում։ Խզել դիվանագիտական կապերը Անգլիայի և Իսրայելի հետ»։
Օգտատեր Վարդուհի Դիլանչյանն էլ գրել է․ «Մահ Անգլոսաքսերին ու նրանց ծառայող ներքին թշնամիններին, որոնցից ամենավտագավորը Հայաստանի նախագահ Ա. Սարգսյանն է ու նրա հովանու ներո գործող «ՔՊ»-ն»։
Ֆեյսբուքյան մի շարք օգտատերեր էլ պնդում են, որ պետք է մեր դեսպանատունը փակենք Անգլիայում, իսկ Անգլիայի դեսպանին հետ ուղարկենք իրենց հայրենիք։ Նունե Սարկիսյանը գրել է․ «Միանշանակ հայտարարել perssona non grata ու վռնդել մեր երկրից ու ընդմիշտ փակել դրանց դեսպանատունը ՀՀ-ում ու մեր դեսպանատունը Անգլիայում, խզել բոլոր կապերը այդ շպիոն երկրի հետ, միշտ դրանք են մեզ վնաս պատճառել»։ Նարեկ Պետրոսյանն էլ կոչ է արել «Հայոց արծիվներին» միանալ Բաղրամյան փողոցում հավաքված կուսակցությանը․ «Պարոն Ասրյան, միացեք մնացած ընդդիմությանը, որ էս քայլառաստ վիժվածքին համատեղ ուժերով աթոռից պոկել լինի»։ Ֆեյսբուքյան մյուս օգտատեր Սոնա Արամյանն էլ կարծում է, որ անպայման պետք է ազատվենք Հայաստանում գործող բոլոր լրտեսներից․ «Մեր հզոր արծիվներ, մենք ձեզ հետ ենք, պետք է այդ լրտեսներից մաքրել երկիրը»։
Այս գրառման մեկնաբանություններն ուսումնասիրելով՝ պարզ է դառնում, որ հասարակության մի ստվար զանգված ևս միանում է այս պահանջին և ցանկանում է խզել դիվանագիտական հարաբերությունները Անգլիայի հետ, մաքրել Հայաստանը լրտեսներից։ Մեկնաբանություն գրողների մեծամասնությունը իրենց աջակցությունն են հայտնել «Հայոց Արծիվներ. Միասնական Հայաստան» կուսակցության անդամներին, վստահեցրել են, որ նրանց հետ պայքարելու են բոլոր լրտեսների դեմ, ինչպես նաև ցանկություն են հայտնել համատեղ ուժերով ազատվել այսօրվա իշխանություններից։
Աննա Սիմոնյան
