Հայաստանից և Ղրղըզստանից բերված մեքենաների՝ Ղազախստանում գրանցելու կարգի մասին
Ղազախստանի ներքին գործերի առաջին փոխնախարար Մարատ Կոժաևը պարզաբանել է օտարերկրյա հաշվառման համարանիշերով ավտոմեքենաների գրանցման կանոնները:
Վերջինիս տեղեկացմամբ՝ նման մեքենաներ գրանցելու համար սեփականատերերը պետք է դուրս գան Ղազախստանի սահմաններից և 30 օր անց վերադառնան Ղազախստան:
«Խոսքը միայն Հայաստանից և Ղրղըզստանից բերված մեքենաների մասին է, որտեղ մինչև 2020 թվականը մաքսազերծման արտոնյալ ժամանակահատված էր գործում, այսինքն մաքսատուրքերն ավելի ցածր էին, քան ԵԱՏՄ մյուս անդամների մոտ: Այդ պատճառով ստացվում է, որ կանոնը պետք է տարածվի միայն Հայաստանի և Ղրղզստանի քաղաքացիների վրա, որոնք իրենց մեքենաներով ժամանակավոր մուտք են գործում մեր երկիր և կարող են ազատ շարունակել ուղին:
Ինչ վերաբերում է մեր քաղաքացիներին, ապա նրանք պետք է նախապես ամբողջական մաքսազերծում անեին»,- պարզաբանել է Կոժաևը, փոխանցում է Tengrinews.kz կայքը։
