Դուք պատրաստ եք մեղադրել բոլորին բացի ձեզնից. Ստեփան Ստեփանյան
ՀՀ ԱԺ պատգամավոր Ստեփան Ստեփանյանը գրում է․
Երեք տարի ամբիոնից բղավում եք ու հայտարարում,- դե ժողովուրդը ոնց որոշի։ Ինչ հարց հնչեց լսեցինք միայն մեկ պատասխան,- դե ժողովուրդն էր որոշել. երևի դիվանագիտության տապալումը և պատերազմի վտանգն անտեսելը, հետպատերազմյա խնդիրներից խուսափելը ևս ժողովրդի որոշումն էր, երևի հիմա էլ նախկիններին թողեք սկսեք ժողովրդին մեղադրել։ Դուք պատրաստ եք մեղադրել բոլորին, բացի ձեզնից։ Նախկիններ ասելով ծածկում եք ձեր արածները։ Մենք ունենք ողբալի ներկա, եկեք վերջ ի վերջո խոսենք ներկայի մասին, այն ներկայի, որի վաղվա օրը մենք խավար ենք տեսնում ձեզ հետ։
Իսկ պարոն Մարուքյանը այսօրվա իր ելույթում շատ բովանդակալից ներկայացրեց մեր ներկա իրավիճակը։ Երեք տարին ապրեցինք դժբախտության, ստի, ցավի մեջ։
