Բրյուսելը միջոցներ է ձեռնարկում TikTok-ի նկատմամբ

Ավելին՝ այստեղ

Եվրահանձնաժողովը սկսել է միջոցներ ձեռնարկել TikTok սոցիալական ցանցի նկատմամբ, որը մեղադրվում է երեխաների համար նախատեսված թաքնված գովազդ օգտագործելու մեջ: Հանձնաժողովը սոցիալական ցանցից պահանջում է պահպանել Եվրամիության՝ օգտատերերի պաշտպանության վերաբերյալ կանոնները: Այս մասին հայտնել է Agence France-Presse-ը՝ հղում անելով Եվրահանձնաժողովի հայտարարությանը:

Հանձնաժողովը, սպառողների պաշտպանության համագործակցության ցանցի մաս կազմող պետությունների իրավապահ մարմինների հետ համատեղ, «պաշտոնական երկխոսություն է սկսել TikTok-ի հետ՝ վերանայելու համար իր առեւտրային քաղաքականությունն ու գործելակերպը»: «ԵՄ գործադիր իշխանությունը հարթակին մեկ ամիս ժամանակ է տվել պատասխանի համար», - ասվում է հաղորդագրության մեջ:

TikTok-ը կարճ տեսանյութեր պատրաստելու ծրագիր է: Այն գրասենյակներ ունի ամբողջ աշխարհում, այդ թվում՝ Լոս Անջելեսում, Նյու Յորքում, Լոնդոնում, Փարիզում, Բեռլինում, Դուբայում, Մումբայում, Ջակարտայում, Սեուլում, Տոկիոյում եւ Մոսկվայում: