Բուհեր ընդունելության տեղերը դիմորդների թվից կրկնակի շատ են (տեսանյութ)

Բուհեր դիմորդների թիվն այս տարի գրեթե հավասար է թափուր տեղերի քանակին: Հունիսի 8-ից հանրապետությունում կմեկնարկեն միասնական քննությունները: Այս տարի փոփոխության հետևանքով հանվել է առաջին հայտի գերակայությունը և քննություններն անցկացվելու են «մեկ բուհ, մեկ մասնագիտություն» սկզբունքով:

Երևանի պետական համալսարանում դիմորդները շատ չեն, բայց մրցակցությունն էլ բարձր չէ: 380 անվճար և 2466 վճարովի տեղերի համար առաջին փուլում բուհ դիմել է 2996 շրջանավարտ։

Օրինակ՝ քիմիայի, միջմշակութային հաղորդակցության, նանոֆիզիիկայի և առաջատար տեխնոլոգիաների, կենսաֆիզիկայի և կենսաինֆորմացիայի, աստվածաբանության, կրոնագիտության, փիլիսոփայության միջուկային ռեակտորների ֆիզիկայի դիմորդները չեն գերազանցում 10 հոգին: Այս մասնագիտությունները, կարծես թե, կորցրել են իրենց հետաքրքրությունը՝ կամ երիտասարդները կարծում են, որ այդ մասնագիտացմամբ աշխատանք չեն կարող գտնել:

Դիմելիության ընդհանուր պատկերից ՀՊՏՀ ընդունող հանձնաժողովի պատասխանատուն չի դժգոհում, դիմորդներ ունեն, բայց սահմանված տեղերը չի լրացել:

Բժշկական համալսարանն այս տարի ունի 931 դիմորդ, և ամեն տարի ընդունել է մոտ 700 ուսանող: Ամենապահանջվածը բուժական ֆակուլտետն է, որտեղ դիմել է ավելի քան 400 հոգի: Այս տարի նվազագույն դրական բալերով բժշկական համալսարան ընդունվելու մտավախություն, կարծես թե, չկա:

Ընդհանուր առմամբ, բոլոր համալսարանները միասին վերցրած ընդունելության տեղերը դիմորդների թվից կրկնակի շատ են։

Այս տարի անվճար տեղերի թիվը 1824 է, վճարովի տեղերինը` 21820։ Առաջին փուլում միասնական քննություն կհանձնի 11487, ներբուհական քննություն՝ 1899 դիմորդ:

Մանրամասները՝ տեսանյութում։