Ուղղաթիռի վթարի արդյունքում երկու մարդ է մահացել
Ուկրաինայում՝ Նիկոլաևի շրջանում վթարի է ենթարկվել Ми-2 ուղղաթիռը: Վթարի արդյունքում մահացել է օդաչուն ու նրա օգնականը: Այս մասին հայտնում են Արտակարգ իրավիճակների պետական ծառայությունից:
«Հուլիսի 17-ին՝ ժամը 06:08-ին, Նիկոլաևի շրջանի Զայվե գյուղի մոտակայքում վթարի է ենթարկվել Ми-2 ուղղաթիռը, ինչից հետո հրդեհ է բռնկվել։ Արդյունքում երկու մարդ (օդաչուն և օդաչուի օգնականը) մահացել են»,-նշված է հաղորդագրության մեջ:
Հաղորդվում է նաև, որ մարվել է վեց քառակուսի մետր տարածք ունեցող հրդեհը: Մարելու համար ներգրավվել են երկու սարքավորում և Արտակարգ իրավիճակների պետական ծառայության ութ աշխատակից:
