Ցանցահենները սովորել են Telegram-ի միջոցով բանկային տվյալներ ստանալ
CyberNews-ի հետազոտողները հայտնաբերել են բոտ, որը խաբեությամբ Telegram-ի օգտատերերից մեկանգամյա բանկային ծածկագիր է ստանում, որոնք ուղարկվում են դրամական գործարքներ իրականացնելու համար, գրում է gazeta.ru-ն:
Բոտին հասանելի են Դարքնետի տվյալների շտեմարանները, որտեղ պահպանվում են օգտատերերի մասին տեղեկությունները, այդ թվում՝ հեռախոսահամարներն ու բանկային տվյալները։ Ցանցահենները դրանք օգտագործում են պոտենցիալ զոհին գտնելու համար։
Խաբեության ամենատարածված ձևը «բանկային քարտ կցելն է»։ Զոհի քարտը կցվում է բջջային վճարման հավելվածին, ինչից հետո զոհի գումարով մոտակա խանութներից նվեր-քարտեր են ձեռք
բերվում։
Մեկանգամյա գաղտնաբառն իմանալու համար բոտն ավտոմատ զանգահարում է զոհի հեռախոսահամարին ու, ներկայանալով որպես աջակցության ծառայության աշխատակից, խնդրում նշել թվերը։
Նշվում է, որ ֆինանսական տվյալներից բացի, նման կերպ հանցագործները կարող են նաև տարբեր ծառայություններ մուտք գործելու գաղտնաբառեր գողանալ։
