Հայկ Ղալումյանը Տավուշի մարզի վտանգավոր տարածքներից բնակչության տարհանման պլանը նոր խմբագրությամբ շարադրելու որոշում է ստորագրել

Տավուշի մարզպետ Հայկ Ղալումյանը օգոստոսի 19-ին ՀՀ Տավուշի մարզի վտանգավոր տարածքներից բնակչության տարահանման պլանը նոր խմբագրությամբ շարադրելու մասին որոշում է ստորագրել։ Այս մասին տեղեկանում ենք Տավուշի մարզպետարանի պաշտոնական կայքից:

Որոշման մեջ նոր խմբագրությամբ շարադրված են․

Տավուշի վտանգավոր տարածքներից բնակչության տարհանման պլանը,

սահմանամերձ գոտուց ըստ տարիքային խմբերի տարհանված բնակչության հաշվարկը,

տարհանված բնակչության տեղաբաշխման հաշվարկը՝ ըստ ընդունման բնակավայրերի,

տուժած բնակչության սննդամթերքով ապահովման հաշվարկը,

տուժած բնակչության սննդամթերքով ապահովման հաշվարկը՝ ըստ տարիքային խմբերի,

տուժած բնակչությանն առաջին անհրաժեշտության ապրանքներով ապահովման հաշվարկը,

տուժած բնակչությանը տրվող հագուստի, ներքնազգեստի և կոշիկի ապահովման հաշվարկը,

տուժած բնակչության անհրաժեշտ հագուստի և առաջին անհրաժեշտության ապրանքների ապահովման հաշվարկը,

Տավուշի մարզի քաղաքացիական պաշտպանության ղեկավար կազմի ազդարարման սխեման,

բժշկական ապահովման ուժերի հաշվարկը,

Տավուշի մարզի բնակչության ապահովման հաշվարկը,

Տավուշի մարզի տարհանված բնակչության սննդով ապահովման հաշվարկը,

Տավուշի մարզի ընդունող բնակավայրերի և ընդունման հավաքակայանների ցուցակը,

Տավուշի մարզի բնակավայրերի ժամանակավոր տեղաբաշխման և երկարատև բնակության կետերի ցուցակը,

Տավուշի մարզի երկարատև բնակության կետերի ցուցակը,

սահմանամերձ 10 կմ-անոց գոտուց տարհանված բնակչության երկարատև կետերի բնակչության ամրագրման հաշվարկը։

Կայքում հրապարակված այդ որոշման կետերին հավելվածներ են կցված, որոնք, սակայն, ցուցադրված չեն։