97 զոհ, 134 վիրավոր. արյունալի մարտեր
Թալիբները նախօրեին երկու ուղղությամբ հարձակվել են Ահմադ Մասուդի բանակի վրա: Հարձակումը հետ է մղվել: Ըստ աֆղանական լրատվամիջոցների` թալիբների շրջանում կա 97 զոհ և 134 վիրավոր: Վիրավորներ կան նաև Փանջշերի պաշտպանների շրջանում:
Միևնույն ժամանակ հաղորդվում է, որ Աֆղանստանի դիմադրության ճակատի առաջնորդ Ահմադ Մասուդը պատրաստ է հեռանալ քաղաքականությունից, եթե թալիբները ստեղծեն ներառական (Ազգային համաձայնության կառավարություն) և ապահովեն քաղաքացիական իրավունքների պահպանումը:
«Եթե թալիբները մտադիր են իշխանությունը կիսել բոլորի հետ և մտադիր են արդարություն հաստատել, հավասարություն և ազատություն տալ Աֆղանստանում բոլորին, ապա ես հետ կքաշվեմ և կհեռանամ քաղաքականությունից», – ասել է նա Foreign Policy- ին տված հարցազրույցում:
Մյուս պայմանը ապակենտրոնացված գործադիր մարմիններն են: Մասուդն ասել է, որ մնացած բոլոր տարբերակներն իրենց համար անընդունելի են: Աֆղանստանի դիմադրության ճակատի առաջնորդը նաեւ նշել է, որ դրսից որևէ ֆինանսական աջակցություն չի ստանում:
