Հայրը զոհվել է տղայի դին պատերազմի թեժ կետերում ման գալով. դին գտնվել է երեկ, պարզվում է, 10 ամիս եղել է դիահերձարանում
Լրագրող Արամ Գևորգյանը գրոռում է արել.
«Մհերն է իր հոր՝ Նիվոյի հետ։ Մհերի անունը հոկտեմբերին զոհվածների ցուցակում էր, բայց դին չկար։ Հայրը որդու դին գտնելու համար գնացել էր պատերազմի ամենաթեժ կետերը։ Նոյեմբերի 3֊ին հայրն էլ է զոհվում:
Տղայի դին գտել են երեկ, դիահերձարանում։ Լրիվ ճանաչելի։ Նոյեմբերի 20֊ից դին սառնարանում էր...
10 ամիս մայրը Արցախի հանձնված տարածքներում, Հայաստանի դիահերձարաններում փնտրում էր որդու դին։
10 ամիս տղայի դին դիահերձարանում էր, չեն ասել...
Կներեք, բայց հայերեն բառապաշարս չի հերիքում էս ամենի պատասխանատուներին որակումներ տալու համար:
Նիվոյի քրոջ ամուսինն էլ է զոհվել այս պատերազմում:
Արցախյան առաջի պատերազմի ժամանակ էլ զոհվել էր Մհերի պապիկը (մայրական կողմի) և Նիվոյի հարազատ եղբայրը, ում անունն էլ կրում էր Մհերը: Արցախից են»,- գրել է Գևորգյանը:
