Ռուսաստանում գրանցել են AH3N2 գրիպով հիվանդանալու առաջին դեպքերը
Ռուսաստանում արդեն գրանցվում են AH3N2 գրիպով հիվանդանալու դեպքերը, առկա Է վերահաս համաճարակաբանական սեզոնի ռիսկը: Այդ մասին, ինչպես տեղեկացնում Է «Արմենպրես»-ը, հայտարարել Է «Ռոսպոտրեբնադզոր»-ի ղեկավար, ՌԴ գլխավոր պետական բժիշկ Աննա Պոպովան:
«Մենք հայտարարում ենք գրիպի դեմ պատվաստման արշավի մեկնարկ: Մենք արդեն գրանցում ենք AH3N2 գրիպով հիվանդանալու դեպքերը, եւ դա ամենալավ կանխատեսման նշան չԷ»,-ասել Է Պոպովան՝ հանդես գալով Արեւելյան տնտեսական համաժողովում (ԱՏՀ-21):
«Մենք տեսնում ենք վերահաս համաճարակաբանական սեզոնի ռիսկեր»,-ասել Է նա: Պոպովան նշել Է, որ «դեռ իրադրությունը երկրում սուր շնչառական վիրուսային վարակների (ՍՇՎՎ) մասով կայուն Է»:
Վերահաս համաճարակաբանական սեզոնի ռիսկերը կապված են այն բանի հետ, որ անցյալ տարի մարդիկ «գրիպի վիրուսներին չեն հանդիպել այնպես, ինչպես դա սովորաբար լինում Է»:
Բացի այդ, COVID-19 նոր կորոնավիրուսային վարակ տարած անձանց մոտ բարձր Է ուրիշ ՍՇՎՎ-ներով հիվանդանալու ռիսկը, նշել Է նա:
«Մարդիկ, որոնք նոր կորոնավիրուսային ինֆեկցիան տարել են որոշակի ժամանակի ընթացքում, ունեն ցածր իմունիտետ, ցածր դիմադրողականություն»,-ասել Է «Ռոսպոտրեբնադզոր»-ի ղեկավարը:
«Պատվաստման 60 տոկոս մակարդակը, որին մտադրվել ենք հասնել, «մեզ վստահություն կտա, որ իրադրությունն այնքան բարդ եւ վտանգավոր չի լինի, ինչպես եղել Է, օրինակ, գրեթե 30 տարի առաջ»:
Պոպովան հիշեցրել Է, որ աշխարհում ամեն տարի, բացառությամբ անցյալ տարեշրջանը, գրիպով հիվանդանում Է մոտավորապես 1 միլիարդ մարդ, որոնցից 5 միլիոնը՝ շատ ծանր՝ բարդություններով եւ մի շարք քրոնիկ հիվանդություններ ստանալով:
Եվս շուրջ 0,5 միլիոն մարդ մահանում Է: H3N2 վիրուսները կարող են վարակել թռչուններին եւ կաթնասուններին: Թռչունների, մարդկանց եւ խոզերի մոտ վիրուսը մուտացիայի Է ենթարկվել բազմաթիվ շտամներով: Այն տարիներին, երբ H3N2-ը գերիշխող շտամ Է հանդիսանում, հոսպիտալացումների թիվն ավելանում Է, հաղորդել Է «Ինտերֆաքս»-ը:
