Արթուր Գալստյանը Ազովի ծովի ուժային եռամարտի բաց առաջնությունից վերադարձել է առաջին կարգի մրցանակով

ԳՅՈՒՄՐԻ, 13   ՍԵՊՏԵՄԲԵՐԻ, ԱՐՄԵՆՊՐԵՍ:   Արթուր Գալստյանը  սեպտեմբերի 10-13-ը Ուկրաինայում կայացած Ազովի ծովի ուժային եռամարտի  և պարա փաուերլիֆտինգ  բաց առաջնությունից վերադարձել է առաջին կարգի մրցանակով: Ինչպես տեղեկացնում է «Արմենպրես»-ը, մարզիկը սահմանել է նաև անձնական ռեկորդ: Արթուրը մրցումների մեկնել էր   Հայաստանի ուժային եռամարտի ֆեդերացիայի կազմում: Միջազգային մրցումներին մասնակցում էր 250 մարզիկ  5 երկրներից՝ Հայաստան, Իսրայել, ԱՄՆ, Ուկրաինա և Ռումինյա:

Արթուրը մրցումներին մասնակցել է պարա փաուերլիֆտինգ  կատեգորիայում՝ 56 կգ քաշային կարգում՝ անձնական քաշը 54 կգ: Իրեն ենթարկելով  77,5 կգ ծանրաձողըՙ Արթուրը  սահմանել է անձնական ռեկորդ: «Անկեղծ մինչև հիմա չեմ հավատում, որ հաջողության եմ հասել: Սա  իմ նոր  երազանքներին հասնելու  նշաձող է»,-«Արմենպրես»-ին ասաց Արթուրը՝ նշելով, որ երազանքներից մեկն էլ հոկտեմբերին կայանալիք Աշխարհի առաջնությանը մասնակցելն է, որի հրավերն արդեն ստացել է: «Հնարավորություն ունենալու ու Աշխարհի առաջնությանը մասնակցելու դեպքում կփորձեմ ինձ ենթարկել սպորտի վարպետի վարկանիշը՝ 87,5 կգ»,-նշեց Արթուրը:

Արթուրը այս մրցումներին Հայաստանի անունը բարձր պահող միակ մարզիկը չէր,   Հայաստանի ուժային եռամարտի ֆեդերացիան մրցույթին մասնակցել է 10  մարզիկով նվաճել են 15 մեդալ, սահմանվել է   աշխարհի 6 ռեկորդ։

Արմենուհի Մխոյան