Կրակոցներ՝ Ներքին Հանդ գյուղի ուղղությամբ․ հայկական կողմը կորուստ ունի․ ոչ պաշտոնական
Թելեգրամյան ալիքները հայտնում են, թե կեսգիշերին կրակոցների ձայներ են լսվել ադրբեջանական կողմից` Սյունիքի մարզի Կապանի շրջանի Ներքին Հանդ գյուղի ուղղությամբ:
Yerevan speaks թելեգրամյան ալիքի հաղորդմամբ` այս մասին իրենց ասել է նախկին պատգամավոր Սոֆյա Հովսեփյանը:
«Մյուս ուղղություններում ամեն ինչ հանգիստ է: Կապանում կրակոցներ չեն հնչել, - ասել է նախկին պատգամավորը։
Ըստ սկզբնաղբյուրի՝ Ներքին Հանդ գյուղի մոտ տեղի ունեցած փոխհրաձգության հետևանքով 1 զինծառայող վիրավորվել է, թելեգրամյան ալիքը հաղորդել է նաև 1 զոհի մասին։ Այս հարցով դեռևս պաշտոնական տեղեկատվություն չկա:
Auroranews-ը տեղեկությունը փորձեց ճշտել Սյունիքի մարզից։ Կապանի համայնքապետը մեզ հետ ունեցած զրույցում նշեց, որ չի մեկնաբանում տեղեկությունը։ Ճշտող հարցին, թե չի՞ էլ հերքում այն, պատասխանեց, որ չի մեկնաբանում։
