Սոցիալապես անապահով սպառողների համար ջրի սակագինը նույնը կմնա, իսկ մյուսների համար կբարձրանա
ՀԾԿՀ-ն առաջարկում է սոցիալապես անապահով սպառողների համար ջրի սակագինը նույնը թողնել, իսկ մյուս սպառողների համար սակագինը 20 դրամով բարձրացնել։ Խորհրդարանում լրագրողների հետ զրույցի ժամանակ ասաց հանրային ծառայությունները կարգավորող հանձնաժողովի նախագահ Գարեգին Բաղրամյանը։
Նշենք, որ այժմ գործող սակագինը 180 դրամ է, իսկ այժմ առաջարկվում է դարձնել 200 դրամ։
ՀԾԿՀ նախագահն ասաց, որ էլեկտրաէներգիայի և գազի համար սոցիալապես անապահով սպառողների խումբ ունեն, որում շուրջ 100 հազար բաժանորդ է։ Այժմ առաջարկում են նման խումբ առանձնացնել նաև ջրի ծառայություններից օգտվողների համար։
«Այսինքն սոցիալապես անապահով սպառողների համար առաջարկում ենք գինն ընդհանրապես չփոխել, իսկ մնացած սպառողների համար առաջարկում ենք այլևս բյուջեից վարձակալության վճարներով գնի զսպում չիրականացնել։ Ընդամենը 10 տարվա համար կայուն գնային քաղաքականություն ունենալ»,-ասաց Գարեգին Բաղրամյանը
