Ծանր ժամանակներ են, վստահ եմ սա էլ կանցնի. Վազգեն Սաղաթելյան

 Վազգեն Սաղաթելյանը ֆեյսբուքյան իր էջում գրում է.

Վերջերս ինձ հաճախ խնդրում են մեկնաբանել Արթուր Դանիելյանի վերջին շրջանի գրառումները: Ինչ կարելի է ասել: Անխոս, Դանիելյան Արթուրը մեծ ավանդ ունի քաղաքական այլակարծության ձևավորման մեջ: Այն, ինչ իրենք Մալյանի հետ արեցին 2018-ին իրոք հեղափոխական էր: Քիչ թե շատ լսարան ունեցողներից մի 10-ը հոգի էր այդ ժամանակաշրջանում համարձակվում հականիկոլական գրառումներ անել, տասից երկուսն իրենք էին։ Ցավոք, ԱդեկվաԴ-ի փլուզումից հետո խնդիրներ առաջացան նաև առհասարակ ադեկվատության հետ:

Օրինակ ինչպե՞ս կարելի ա լրջորեն մեկնաբանել մի մարդու ասածը, որը պնդում է, որ ՈՒՇԱԴՐՈՒԹՅՈՒՆ Ֆեյսբուքը արգելափակել է իրենց էջի գովազդի հնարավորությունը ելնելով իրենց հասարակա-քաղաքական գործունեությունից Նույն վստահությամբ հիմա ինքը պնդում է, որ գոյություն ունի Քոչարյան-Փաշինյան դաշինք, որ ընդդիմությունը պահում է Նիկոլին և այսպես շարունակ։

Ցնդաբանությանը շատ բարդ է տալ ռացիոնալ մեկնաբանում: Եկեք ուղղակի հիշենք Արթուրին իր 2018-ի գործունեությամբ ու ուշադրություն չդարձնենք իր այս տարօրինակ մետամորֆոզներին: Ծանր ժամանակներ են, ամենքը գժվում է յուրովի: Ոչինչ, վստահ եմ սա էլ կանցնի...