Ի՞նչ փոփոխություններ են սպասվում Ֆեյսբուքում
Meta կազմակերպությունը որոշում է կայացրել անջատել դեմքերը ճանաչող գործառույթը, որը մինչ այժմ գործում էր Ֆեյսբուքում: Այս մասին հայտնում է Interfax-ը:
Մոտակա շաբաթների ընթացքում այդ գործառույթն այլևս հասանելի չի լինելու Ֆեյսբուքում: Meta-յի ներկայացուցիչը հայտնել է, որ այն ավելի շատ խնդիրներ է առաջացնում հասարակության համար, քան օգուտներ տալիս:
Նոր տարբերակում, այն օգտատերերն, ովքեր իրենց կարգավորումներում նշել են դեմքերի ճանաչում գործառույթն, այլևս չեն նույնականացվելու: Դեմքերի ճանաչման գործառույթի վերջնական չեղարկումից հետո այլևս Ֆեյսբուքը չի ճանաչելու տեղադրված լուսանկարներում և տեսանյութերում մարդկանց, և յուրաքանչյուր օգտատեր կարող է ինքնուրույն փնտրել ու հայտնաբերել այն լուսանկարներն ու տեսանյութերը, որոնցում ինքն է, ցանկության դեպքում կիսվել դրանք իր էջում:
Տարածված հայտարարության մեջ նաև նշվում է, որ դա արվել է օգտատերերի անվտանգության համար:
