Երկրի բնակչությանը սպառնում է «կորոնա-ցեղասպանություն»
Այսօր կորոնավիրուսի պատճառով բնակչությանը սպառնում է «կորոնա-ցեղասպանություն», լրագրողների հետ հանդիպման ժամանակ հայտարարել է առողջապահության ոլորտի վրացի փորձագետ Դևի Տաբիձեն։
Ինչպես գրում է apsny.ge-ն, նրա խոսքով, Վրաստանում վիրուսով վարակվածության մասշտաբներն իսկապես շատ տագնապալի են, և եթե այս համաճարակային իրավիճակը շարունակվի, վարակի մասշտաբները կգերազանցեն 7000-ը։
«Այս թվերը պետք է բնակչությանը ցույց տան, որ իրավիճակը շատ ծանր է։ Այս վիրուսի հետ իսկապես անհնար է «խաղ անել» ու «կատակել»: Բոլոր առումներով սա արտասովոր վիրուս է, և հայտնի չէ, թե ինչ այլ նոր շտամ կարող է հայտնվել»,-ասել է վրացի փորձագետը։
Ըստ նրա՝ կանոնակարգերը չկատարելու և պատվաստումների ցածր ցուցանիշների ֆոնին վարակման դեպքերի աճին որոշակիորեն նպաստել են նաև լայնածավալ բողոքի ակցիաները։
