Վստահ եմ, առաջիկայում մենք ունենալու ենք առավել թափանցիկ և հաշվետու տեղական ինքնակառավարման մարմիններ. Էդուարդ Բաբայան
Էդուարդ Բաբայանը ֆեյսբուքյան իր էջում գրում է.
Հարգելի՛ հայրենակիցներ,
Նոյեմբերի 10-ը Հայաստանի Հանրապետությունում պաշտոնապես նշվում է որպես Տեղական ինքնակառավարման մարմինների օր:
Կենսունակ տեղական ինքնակառավարումն ամենակարևոր քննությունն է պետականություն կերտող ցանկացած հասարակության համար: Լինել զարգացող պետություն՝ նշանակում է ունենալ կայացած տեղական ինքնակառավարման մարմիններ:
Շնորհավորում եմ բոլոր համայնքներին, համայնքների ղեկավարներին, համայնքի զարգացման մեջ ներդրում ունեցող յուրաքանչյուր բնակչի՝ այս կարևոր օրվա կապակցությամբ:
Հարկավոր է ջանք չխնայել՝ տեղական ինքնակառավարման մարմինների դերակատարության բարձրացման ուղղությամբ՝ առաջին տեղում դասելով գյուղի, համայնքի շահերը: Մեր որդեգրած քաղաքականության հիմքում բարեկեցիկ համայնք, բարեկեցիկ գյուղ և քաղաք ունենալն է` նրա բնակչի համար անհրաժեշտ սոցիալական և արտադրական ենթակառուցվածքներով:
Վստահ եմ, առաջիկայում մենք ունենալու ենք առավել թափանցիկ և հաշվետու տեղական ինքնակառավարման մարմիններ:
Միասի՛ն իրագործենք այս տեսլականը:
