Ցանկացած ազգ, ով պատրաստ է հող հանձնելուն` դատապարտված է կործանման. Նարինե Մանուկյան
Նարինե Մանուկյանը ֆեյսբուքյան իր էջում գրում է.
Նոյեմբերի 22֊ը Արցախյան առաջին ազատամարտի հերոս, ֆիզիկոս, ռազմական գործիչ Լեոնիդ Ազգալդյանի ծննդյան օրն է։
Հերոս ազատամարտիկ, ում պատկանում էին հետևյալ խոսքերը՝ Արցախը Հայաստան է և վերջ։ Նա գիտեր խոսքի և մտքի արժեքը, նա պայքարում էր իր գաղափարների և հայրենիքի համար։
Ահա ևս նրա մտքերից, որոնք հավերժ պիտի ուղեկցեին մեզ։
«Զինվորին չի կարելի հենց այնպես զոհաբերել, ինչ է թե հողակտոր ես ազատագրում: Բոլոր նախագծերը, հարձակումները, պաշտպանությունները կառուցեք այնպես, որ հնարավորինս զոհ չլինի»։
«Սխալ են ասում, երբ ասում են հողը արյունով են պահում. հողը սիրելով են պահում»։
«Երբ երիտասարդ տղաներ են գալիս ու ասում, որ եկել են Արցախի համար զոհվելու, ես նրանց չեմ ընդունում, մեզ պետք են Արցախի համար կռվողներ ու հաղթողներ… Այս տարածքները, որ մենք ազատագրում ենք, էլ ավելի մեծ նշանակություն ունեն, քան մենք պատկերացնում ենք կամ կարող ենք պատկերացնել։ Ցանկացած ազգ, որ հող կհանձնի` դատապարտված է կործանման»...
Փառք ու պատիվ...
