Ռոնալդուն բաց կթողնի ԱՊԼ-ի մի քանի հանդիպումներ՝ հանուն ընտանիքի
Daily Mail-ը հայտնում է, որ «Մանչեսթեր Յունայթեդի» հարձակվող Կրիշտիանու Ռոնալդուն Ամանորին կարող է հեռանալ իր թիմի ճամբարից։
Աղբյուրի տեղեկություններով՝ ֆուտբոլիստը ցանկանում է հայրենիք վերադառնալ ու այնտեղ նշել տոներն ընտանիքի հետ միասին։
Եթե դա անի, ապա չի կարողանա մասնակցել դեկտեմբերի 30-ից հունվարի 3-ը կայանալիք հանդիպումներին։ Բացի այդ, հարձակվողի մայրը դեկտեմբերի 31-ին կնշի ծննդյան օրը:
Այս մրցաշրջանում պորտուգալացին Պրեմիեր լիգայում 13 հանդիպում է անցկացրել՝ դառնալով 7 գոլի և երկու գոլային փոխանցման հեղինակ:
