Հայաստանը դեռ չի՞ դադարեցրել օդային հաղորդակցությունը Իրանի հետ
Այսօր կորոնավիրուսի կանխարգելման հանձնաժողովի նիստին վարչապետ Նիկոլ Փաշինյանը տեղեկացրեց, որ Հայաստանը երկու շաբաթով և մասամբ փակում է ցամաքային և օդային սահմաններն Իրանի Իսլամական Հանրապետության հետ։
«Իհարկե, կլինեն բացառություններ. բեռնափոխադրումները կիրականացվեն առանց սահմանափակումների, պարզապես բեռնափոխադրումներ իրականացնող վարորդների նկատմամբ կիրականացվի հատուկ հսկողություն, և բեռների տեղափոխման հատուկ կարգ կգործի, որևէ սահմանափակում չի կիրառվի քաղաքացիների վերադարձի վրա: Խոսքը վերաբերում է Հայաստանում գտնվող Իրանի Իսլամական Հանրապետության քաղաքացիներին և Իրանում գտնվող Հայաստանի Հանրապետության քաղաքացիներին, այսինքն՝ նրանք կարող են ազատ վերադառնալ իրենց հայրենիք», - ասաց վարչապետը:
Սակայն, այսօր Թեհրանից ինքնաթիռ է ժամանել Զվարթնոց օդանավակայան: Ստացվում է, որ, այնուամենայնիվ, Հայաստանը դեռ չի դադարեցրել օդային հաղորդակցությունը Իրանի հետ:
