Կողոպտել են հայտնի ֆուտբոլիստի տունը
Մանչեսթեր Յունայթեդի» կիսապաշտպան Պոլ Պոգբան պատմել է, որ Չեմպիոնների լիգայի 1/8-րդ եզրափակչում «Աթլետիկոյի» հետ հանդիպման ժամանակ իր տունը կողոպտել են, եւ կողոպուտի ժամանակ իր երեխաները գտնվել են այնտեղ։ «Անցյալ գիշերը ամենավատն ու մղձավանջայինը եղավ մեր ընտանիքի համար։ Մեր տուն գողեր էին մտել եւ կողոպտել, մինչ մեր երեխաները քնած են եղել իրենց ննջարանում։ Գողերը տանը եղել են ոչ ավել, քան հինգ րոպե, սակայն այդ ընթացքում մեզանից խլել են ամենաթանկը, որ կարելի էր տանել՝ ապահովության եւ պաշտպանվածության մեր զգացողությունը։ Դա տեղի է ունեցել երեկվա հանդիպման վերջին րոպեներին, երբ նրանք գիտեին, որ մենք տանը չենք լինելու։ Ես ու կինս շտապեցինք տուն, չիմանալով թե արդյոք երեխաները ողջ-առողջ են»,- գրել է Պոգբան իր թվիթերյան էջում։ Նա նաեւ պարգեւ է խոստացել բոլոր նրանց, ովքեր կօգնեն լուծելու իրենց տան կողոպուտի առեղծվածը։
