Խոշոր ավտովթար Տավուշի մարզում

Այսօր՝ մարտի 19-ին, խոշոր ավտովթար է տեղի ունեցել Տավուշի մարզում:  Այս մասին հայտնում է shamshyan.com-ը:

 Ժամը 11:00-ի սահմաններում, Երևան-Սևան-Իջևան ավտովճանապարհի 105 կմ հատվածում, բախվել են Տավուշի մարզի բնակիչ, 47-ամյա Օնիկ Եսայանի վարած Kia Sorento մակնիշի և Երևանի բնակիչ, 61-ամյա Ռուբեն Հովհաննիսյանի վարած ՎԱԶ-2123 մակնիշի ավտոմեքենաները:   Ինչպես հայտնում է ֆոտոլրագրող Գագիկ Շամշյանը, վթարի հետևանքով ՎԱԶ-2123-ի ուղևոր, Երևանի բնակիչ, 71-ամյա Կատյուշա Կարապետյանը մարմնական վնասվածքներով տեղափոխվել է «Դիլիջան» բժշկական կենտրոն:   

Ժամը 18:30-ի սահմաններում, «Միքայելյան» վիրաբուժական կենտրոնից ոստիկանության Դիլիջանի բաժին հայտնել են, որ իրենց մոտ բուժօգնության է դիմել Ռ. Հովհաննիսյանը, ով հայտնել է, որ ինքը ՎԱԶ-2123-ի վարորդն է:  

Օպերատիվորեն դեպքի վայր են ժամանել նաև Արտակարգ իրավիճակների նախարարության Փրկարար-ծառայության Տավուշի մարզային փրկարարական վարչության հրշեջ-փրկարարական ջոկատից 1 մարտական հաշվարկ: