ՉԼ․ «Լիվերպուլը» 2 րոպեում 2 գոլ խփեց եւ հաղթեց «Վիլյառեալին» (ֆոտո, վիդեո)

Չեմպիոնների լիգայի կիսաեզրափակիչի առաջին խաղում անգլիական «Լիվերպուլը» «Էնֆիլդ» ստադիոնում հյուրընկալեց իսպանական «Վիլյառեալին»։ Գերմանացի Յուրգեն Կլոպի գլխավորած թիմն առավելության հասավ 2։0 հաշվով երկրորդ խաղակեսում 2 րոպեի ընթացքում խփած գոլերի շնորհիվ։ 53-րդ րոպեին անգլիացի Ջորդան Հենդերսոնի հզոր հարվածից հետո գնդակն անդրադարձից հայտնվեց «Վիլյառեալի» դարպասում։ Գրանցվեց ինքնագոլ հյուրերի էկվադորցի պաշտպան Պերվիս Էստուպինիանի անվան դիմաց։ 2 րոպե անց եգիպտացի հարձակվող Մոհամեդ Սալահի փոխանցումից հետո տուգանային հրապարակ մտավ սենեգալցի հարձակվող Սադիո Մանեն եւ կրկնապատկեց լիվերպուլյան թիմի առավելությունը։ Պատասխան հանդիպումն Իսպանիայում տեղի կունենա մայիսի 3-ին։ Չեմպիոնների լիգա, կիսաեզրափակիչ, առաջին հանդիպում «Լիվերպուլ» (Անգլիա) - «Վիլյառեալ» (Իսպանիա)՝ 2։0 (տեսանյութ) Պերվիս Էստուպինիան, 53, ինքնագոլ, Սադիո Մանե, 55 Ն