ՔՊ-ականների «վեջը» չէ՞

Քիչ առաջ, հղում անելով մեր աղբյուրին, տեղեկություն էինք հրապարակել, որ  երեկվա հանրահավաքի, ինչպես նաև այսօրվա ակցիաների ժողովրդականությունից Փաշինյանն ու իր շրջապատը տագնապի մեջ են, ինչի պատճառով ՔՊ-ականներն արդեն միջնորդներ են փնտրում ընդդիմադիրների հետ:

Փողոցային շարժումը առաջնորդող Իշխան Սաղաթելյանը մեզ հետ զրույցում  հրաժարվել էր մեկնաբանել լուրը։

ՔՊ-ականները ևս աչքի չընկան մեկնաբանելու «առատությամբ»: Մեր զրուցակիցներից մեկը միայն պնդեց. «Մեկնաբանելու առանձնակի բան չկա, մենք անտարբեր ենք վերաբերվում, ոստիկանները կարողանում են իրենց գործը կատարել, և վստահ ենք` շուտով այս պայքարը ևս կավարտվի»...