Նաիրի Սարգսյանի շնորհավորական ուղերձը Մամուլի ազատության միջազգային օրվա կապակցությամբ
«Աուդիտորների Պալատի» նախագահ Նաիրի Սարգսյանը ֆեյսբուքյան իր էջում գրում է.
Զանգվածային լրատվության միջոցների հարգելի՛ ներկայացուցիչներ,
Շնորհավորում եմ Մամուլի ազատության միջազգային օրվա կապակցությամբ:
Այսօր՝ առավել քան երբևէ, ձեր դերակատարությունը կարևոր է խոսքի ազատ արտահայտման, քաղաքացիների իրազեկման, հանրային կարծիքի ձևավորման, օբյեկտիվ ճշմարտության արձանագրման գործում: Դուք՝ որպես հասարակության ու պետության կապող օղակ, որպես չորրորդ իշխանություն, ձեր ուսերին եք վերցրել մեծ պատասխանատվություն: Հաճախ հայտնվելով բարդ ու խոցելի իրավիճակներում, ցուցաբերելով բարձր պրոֆեսիոնալզիմ, համարձակություն, ինչպես նաև առաջնային դասելով պետական շահն ու քաղաքացիների իրավունքները՝ պատվով եք հաղթահարում բոլոր դժվարությունները:
Մեծապես գնահատելով ձեր աշխատանքը կրկին շնորհավորում եմ մասնագիտական տոնի առթիվ:
