Կապիկի ծաղիկի վարակման դեպքերն ավելացել են. նոր տվյալներ
Առողջապահության համաշխարհային կազմակերպությունը (ԱՀԿ) հայտնել է աշխարհի 30 երկրներում կապիկի ծաղիկ վարակման ավելի քան 550 դեպքերի մասին: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ին, հայտնել է ԱՀԿ-ի գլխավոր տնօրեն Թեդրոս Հեբրեյեսուսը:
«Այս պահին ԱՀԿ-ում գրանցվել է ավելի քան 550 հաստատված դեպք 30 երկրներից»,- հայտարարել է ԱՀԿ-ի ղեկավարը:
Նրա խոսքով ՝ կապիկի ծաղիկ բռնկման ուսումնասիրությունը շարունակվում է, սակայն վիրուսի հանկարծակի հայտնվելը միաժամանակ շատ երկրներում կարող է նշանակել, որ այն որոշ ժամանակ աննկատ փոխանցվել է:
