Թուրքիան զիջումների չի գնա. Էրդողան
Թուրքիայի նախագահ Ռեջեփ Թայիփ Էրդողանը Մադրիդում ՆԱՏՕ-ի գագաթնաժողովում մտադիր է ասել, որ Թուրքիան չի զիջելու իր դիրքորոշումը ահաբեկչությանը աջակցող երկրների նկատմամբ: Այս մասին հայտնում են Թուրքիայի ղեկավարի գրասենյակից, փոխանցում է «ՏԱՍՍ» լրատվական գործակալությունը:
Նշենք, որ Ֆինլանդիան և Շվեդիան մայիսի 18-ին ուկրաինական իրադարձությունների ֆոնին ՆԱՏՕ-ի գլխավոր քարտուղարին են փոխանցել դաշինքին միանալու հայտ, որին Թուրքիան դեմ է արտահայտվել:
Թուրքիայի նախագահը հայտարարել է, որ Անկարան չի կարող «այո» ասել ՆԱՏՕ-ին Ֆինլանդիայի և Շվեդիայի անդամակցությանը:
Թուրքիայի նախագահի աշխատակազմին առընթեր վարչությունը հունիսի 17-ին Բրյուսելում քննարկում կանցկացնի՝ քննարկելու «ՆԱՏՕ-ի ապագան Ուկրաինայի պատերազմից հետո»։
Հիշեցնենք, ոչ ՆԱՏՕ-ի գագաթնաժողովը տեղի կունենա հունիսի 28-30-ը:
Մոսկվան բազմիցս նշել է, որ դաշինքն ուղղված է առճակատման։ Ինչպես ընդգծել է ՌԴ նախագահի մամուլի քարտուղար Դմիտրի Պեսկովը, դաշինքի հետագա ընդլայնումը Եվրոպային անվտանգություն չի բերի։
Միաժամանակ նա Շվեդիայի և Ֆինլանդիայի մուտքն այս կազմակերպություն էքզիստենցիալ սպառնալիք չի համարում Ռուսաստանի համար։
