Ավետիք Չալաբյանի պաշտպանական խումբը հանդես կգա մամուլի ասուլիսով
Մայիսի 14-ին կալանավորված հասարակական-քաղաքական գործիչ, «Արար» հիմնադրամի համահիմնադիր Ավետիք Չալաբյանի պաշտպանական խումբը սույն թվականի հունիսի 20-ին, ժամը 11:00-ին հանդես կգա մամուլի ասուլիսով, որը տեղի կունենա Holiday Inn Express Yerevan հյուրանոցում (Հասցե՝ Փավստոս Բուզանդ 97/2)։
Ասուլիսի բանախոսներն են՝
Վարազդատ Հարությունյան, Ավետիք Չալաբյանի պաշտպանական խմբի անդամ
Արթուր Հարությունյան, Ավետիք Չալաբյանի պաշտպանական խմբի անդամ
Էդգար Ղազարյան, «Համախմբում» շարժման անդամ
Բանախոսները կներկայացնեն վերջին շաբաթվա ընթացքում տեղի ունեցած դատական գործընթացների մանրամասներն ու կպատասխանեն լրագրողների հարցերին:
***
«Համախմբում» շարժման անդամ, հասարակական-քաղաքական գործիչ Ավետիք Չալաբյանին անհիմն, առանց որևէ արժանահավատ ապացույցի և քրեադատավարական ընթացակարգերի կոպտագույն խախտումներով մեղսագրվում է ՀՀ քրեական օրենսգրքի 163-րդ հոդվածի 3-րդ մասի 2-րդ կետով նախատեսված արարքը։ Արարք, որն արդեն ընդունված և սույն թվականի հուլիսի 1-ից ուժի մեջ մտնող քրեական օրենսգրքով ապաքրեականացված է: Միտումնավոր հետապնդման և քաղաքական պատվերի դրսևորում է նաև այն փաստը, որ հայտնի ակնհայտ մոնտաժված ձայնագրության հրապարակումից երեք օր անց Ավետիք Չալաբյանը շարունակել է իր բնականոն կյանքը, որևէ կերպ չմիջամտելով քննությանը, չթաքնվելով, սակայն, դա անտեսվել է և այնուամենայնիվ Ա․Չալաբյանի նկատմամբ անհասկանալի հիմնավորմամբ որպես խափանման միջոց է ընտրվել երկամսյա կալանքը:
Ավետիք Չալաբյանի պաշտպանական խումբ
Ասուլիսի հետ կապված հարցերի դեպքում կոնտակտային տվյալներ՝ +374 95 39 09 19
